Biteye agahinda umunyeshuri wo muri kaminuza y’u Rwanda yapfuye avuye gufata ikanzu azambara asoza kaminuza

Umunyeshuri witwa Bizimana Pierre uri mu biteguraga guhabwa impamyabushobozi muri Kaminuza y’u Rwanda, yapfuye avuye gufata ikanzu yari kuzambara muri ibyo birori bya Graduation.

Bizimana yari asoje icyiciro cya kabiri cya kaminuza mu bijyanye n’icungamari(Finace), yapfuye azize impanuka yabereye ku Kamonyi ku mugoroba wo kuri uyu wa Mbere ubwo yari avuye muri Kaminuza y’u Rwanda i Huye gufata ikanzu yari kuzambara mu muhango wo gusoza amasomo (Graduation).

Mu butumwa Kaminuza y’u Rwanda yanyujije ku rubuga rwabo rwa twitter bemeje amakuru yuko uyu musore yitabye Imana azize impanuka.

Kuwa Gatanu tariki ya 8 Ugushyingo 2019, nibwo hateganyijwe ibirori byo kurangiza kaminuza uzabera mu Karere ka Huye ahari ishami rya Kaminuza y’u Rwanda.

Bizimana Pierre yapfuye avuye gufata ikanzu azambara kuri Graduation.

 

Tanga Igitekerezo ukoresheje Facebook

SHARE