Bruce Melody yatangije itsinda rigiye kujya rifasha abahanzi bakizamuka muri muzika

Umuhanzi munjyana ya Rnb, Itahiwacu Bruce wamamaye nka Bruce Melody, yatandije itsinda yise “Igitangaza Music”

Iritsinda rizaba rihuriwemo n’abahanzi batandukanye maze uyu muhanzi abafashe kumenyekanisha impano yabo muri muzika.

Bruce ni umwe mu bahanzi bo mu Rwanda bamaze igihe bari gukora ubudasubira inyuma ndetse yagura n’ibikorwa bye.

Melody amaze igihe kitari gito muri muzika, aho avugako amaze kubyaza impano ye amafaranga, kuri ubu avugako afite televiziyo ye yise Isibo TV ndetse ngo hakiyongeraho n’ibindi bikorwa akora bibyara amafranga.

Bruce Melodie yatangaje ko yatangiye gufasha abahanzi bashya mu rwego rwo kwitura ineza yagiriwe n’abamufashije akaba ari umuhanzi ukunzwe mu Rwanda.

Ati ” Nkuko kugirango tugere aho turi ubu hari abadufashe akaboko niyo mpamvu natwe guhera ejo muzatangira kumva abahanzi bashya twasinye amasezerano y’imikoranire. Tuzabatangaza ejo na bimwe mubihangano byabo.”

Aba bahanzi bazajya bafashwa biciye muri label nshya yiswe Igitangaza Music.

Mu 2015 ubwo Bruce Melodie yegukanaga umwanya wa kabiri mu irushanwa rya Primus Guma Guma Super Star yahembwe ibikoresho bya muzika, ndetse nyuma y’aho atangira ibijyanye no gushinga studio ye yitwaga Igitangaza, gusa iyi studio yari yatangiye nogukora ntabwo twaje kumenya irengero ryayo kuko ubu itagikora.

 

Tanga Igitekerezo ukoresheje Facebook

SHARE