Bruce Melody yatsinze The Ben na Meddy muri Kiss Summer Awards, Safi niwe ufite indirimbo iyoboye izindi

Ku nshuro ya Kabiri, Radio ikorera mu mujyi wa Kigali, Kiss FM, yatanze ibihembo ku bahanzi bahize abandi mugihe cy’impeshyi.

Ibi bihembo bitanzwe ku nshuro ya Kabiri

Umuhanzi wayoboye abandi ni Itahiwacu Bruce uzwi nka Bruce Melody, yabaye uwambere ahigitse abo bari bahanganye barimo, Meddy, The Ben, Nsengiyumva Francois na Charly na Nina

Niyibikora Safi ukunze kwiyita Safi Madiba niwe wayoboye abandi mukugira indirimbo yakunzwe, iyitwa Kontwari niyo yaje izihiga zose.Yari ihanganye na Twifunze ya Sintex, Kungola ya Sunny na Bruce Melodie, Abana babi ya Danny Vumbi na All night ya Meddy.

Bruce Melody

Umuhanzi ukizamuka yabaye Amalon warushije abarimo Kevin Skaa, Sunny, Nel Ngabo na Bushali.

Mu cyiciro cy’utunganya indirimbo wahize abandi, Madebeat yahigitse Dannybeat, Clement, Lick Lick na Knoxbeat.

Abahatanaga bari mu byiciro bine birimo icy’Umuhanzi Mwiza w’Impeshyi (Best Summer artist), Indirimbo Nziza y’Impeshyi (Best summer song), Utunganya Indirimbo Mwiza w’Impeshyi (Best summer producer) n’umuhanzi mwiza ukizamuka (Best new summer artist).

Ibi bihembo byiswe Kiss Summer Awards, byatanzwe kuri iki Cyumweru taliki ya 27 Ukwakira 2019, bitangirwa mu mujyi wa Kigali, aho iyi Radio ikorera, ni mu Kiganiro cyiswe icy’umwihariko cyatambukaga kuri iyi Radio, kiyobowe na Uncle Austin, arikumwe n’abanyamakuru bose bakorera iyi Radio. Barimo, Nkusi Arthur, Sandrine Isheja, Cyuzuzo Jean D’arc, Keza na Antoinette Niyongira
Kiss Summer Awards ni ibihembo bitegurwa na Radio Kiss FM, radio irimuzikurikirwa Cyane mu Rwanda kubera ibiganiro byayo n’uburyo yibanda kumuziki.
Ibihembo bya Kiss Summer Awards byatangiye gutangwa mu mwaka ushize wa 2018, ubu byari kunshuro yabyo ya Kabiri.
Meddy Beat
Sandrine na Keza
Antoinette na Cyuzuzo

Tanga Igitekerezo ukoresheje Facebook