Burundi : Inkuru yababaje benshi, umugore ukiri muto warumaze igihe gito abyaye yerekanwe arikumwe n’abagabo babiri bamufashije kwica umugabo we

Ku wa Gatatu w’iki Cyumweru, Polisi y’u Burundi yerekanye umugore ukiri muto n’abagabo babiri bakekwaho kwica uwitwa Thierry Kubwimana, yapfuye arashwe mu Ugushyingo 2020.

Ifoto y’umugore ukiri muto ari kumwe n’umugabo na we ukuri muto yakwiriye ku mbuga nkoranyambaga mu Rwanda, mu gatuza k’umugabo handitseho ngo R.I.P (Ruhukira mu Mahoro).

Kubwimana na Kaneza bashakanye mu ntangiro za 2020, ndetse baza no kwibaruka umwana wabo w’imfura muri uwo mwaka.

Hari bamwe baketse ko ari inkuru y’ibyabereye mu Rwanda ariko siko bimeze ahubwo ni amahano yabereye i Burundi.

Umuvugizi wa Polisi y’Iburundi, Petero Nkurikiye ku wa Gatatu tariki 20 Mutarama 2021, nibwo yavuze ku bwicanyi bwakorewe Thierry Kubwimana.

Yavuze ko yishwe n’abagizi ba nabi bafatanyije n’umugore we, Kaneza Christa mu ijoro ryo ku wa 24 rishyira iryo ku wa 25 Ugushyingo 2020, ubwicanyi bwabereye ahitwa Gasekebuye, muri Zone Musaga, Komine Muha mu Mujyi wa Bujumbura.

Kaneza Christa wari umugore wa nyakwigendera yerekanwe ari kumwe n’abagabo babiri Niyongabo Emmanuel, na Ndibanje Jean Paul bafashwe.

Uwitwa Minani André na we ukekwaho uruhare muri buriya bwicanyi aracyashakishwa.

Pierre Nkurikiye, Umuvugizi wa Polisi y’u Burundi avuga ko uriya mugore ubwicanyi bukimara kuba yagiye ahitwa Rohero ‘bikekwa ko yajyanye ibintu bifite agaciro cyangwa ahungishije abicanyi’.

Ati “Twamaganye abantu, abagore cyangwa abagabo biha ububasha bwo kwica abo bashakanye. Ibi bintu ni ibara, bibwira ko bitazamenyekana, twamenyesha ko Polisi ifite ububasha bwo gukurikirana ikamenya uwakoze icyaha, turamenyeka ko n’undi wagize uruhare muri ubu bwicanyi azafatwa.”

Kubwimana Thierry wishwe yari amaze igihe gito ashakanye n’umugore we

Ndibanje Jean Paul ni we wabaye intandaro yo gufatwa kwa bariya bantu kuko ngo yataye telefoni aho ubwicanyi bwabereye.

Nkurikiye avuga ko uriya mugabo mbere yo kwicwa yabanje kwirwanaho nk’uko iperereza ryabigaragaje, ngo abamwishe babonye ko abananiye, baramurasa.

Umuvugizi wa Polisi y’u Burundi, Pierre Nkurikiye, yavuze ko iperereza ry’ibanze ryagaragaje ko abakekwaho uruhare mu rupfu rwa Thierry Kubwimana ari uyu mugore we ndetse n’abandi bagabo bane.

Kubwimana Thierry wishwe yari amaze igihe gito ashakanye n’umugore we, yize muri Kaminuza yo mu Burusiya, yakoraga imirimo inyuranye irimo kuba yarakoze muri sosiyete icukura amabuye y’agaciro y’Abarusiya aza kuhava ajya mu yitwa ‘Tanganyika Mining Company’ nyuma aza gusezera ajya kwikorera ku giti cye.

Tanga Igitekerezo ukoresheje Facebook

SHARE