Bushali na mugenzi we Slum Drip bamamaye muri Kinyatrap batawe muri yombi bazira urumogi

Umuhanzi Hagenimana Jean Paul wamamaye nka ‘Bushali’ na mugenzi we Slum Drip batawe muri yombi mu gitondo cyo kuri uyu wa Gatanu ku ya 18 Ukwakira 2019 bakurikiranyweho gukoresha ibiyobyabwenge birimo urumogi.

Bushali uri mu bahanzi bagezweho cyane mu njyana ya Kinyatrap na mugenzi we Slum Drip bafatiwe mu murenge wa Nyakabanda bari kumwe n’abakobwa babiri bivugwa ko basangiraga urumogi.

Umunyamabanga Nshingwabikorwa w’Umurenge wa Nyakabanda, Nsabimana Désiré yatangaje ko kugirango bafatwe n’amakuru yatanzwe n’umwe mu babyeyi baba basangiraga ibiyobyabwenge n’uyu muhanzi.

Yagize ati “Bahuriye mu rugo rw’umubyeyi w’umwe muri abo bana basangiraga, uwo mwana yabafunguriye inzu yo ku ruhande, umubyeyi abonye abantu atazi bakoraniye iwe yitabaza inzego zibanze, ni uko batawe muri yombi.”

Bafatanywe udupfunyika tubiri tw’urumogi ndetse n’icupa ririmo ibintu by’ifu bitaramenyekana.

Izina rya Bushali riherutse kuzamurwa cyane n’indirimbo yise ‘Nituebue’ yahuriyemo na B-Threy n’uyu witwa Slum Drip.

Udupfunyika tubiri tw’urumogi bivugwa ko bafatanywe ndetse n’igicupa bitaramenyakana icyari kikirimo.
Bushali aririmba mu gitaramo cya Bigomba Guhinduka.

 

Tanga Igitekerezo ukoresheje Facebook

SHARE