Bushali yafunguwe afata umwanzuro wo kwiyegereza Imana kugirango atazongera gufungwa

Umuraperi Hagengimana Jean Paul wamamaye nka Bushali aratangaza ko nyuma yo kuva muri gereza aho yari amaze amezi abiri ubu yafashe ingamba zo kwiyegereza Imana cyane kugira ngo atazongera kugwa mu mutego.

Mu ntangiriro z’Ukwezi k’Ukwakira 2020 nibwo hatangiye kumvikana amakuru avuga ko umuraperi ukunzwe mu njyana ya Kinyatrap, Bushali yatawe muri yombi.

Umuraperi Hagengimana Jean Paul wamamaye nka Bushali

Byavugwaga ko yafashwe akurikiranyweho gukoresha ibiyobyabwenge ndetse ko ahsobora kujyanwa mu kigo ngororamuco cya Iwawa.

Hashize iminsi mike arekuwe ndetse ubu yasubukuye ibikorwa bye bya muzika yari yarasize.

Mu kiganiro yagiranye na KISS FM yavuze afungwa ataziraga ibiyobyabwenge nk’uko byakunze kuvugwa n’ubwo ateruye ngo avuge icyaha nyir’izina yakekwagaho.

Ati “Ikintu nari ndi gukekwaho ni ibintu bisanzwe  biri mu rubyiruko kuba umuntu abayeho asa nk’aho nta murungo afite agenderaho. Sinabyita kwica amategeko y’igihugu ariko umuntu aba yerengereye rimwe na rimwe.”

Nyuma yo kurekurwa Bushali avuga ko ubu yafashe ingamba nshya zirimo kwiyegereza cyane Imana kugira ngo imurinde kongera kugwa mu mitego yatumye afungwa.

Ati “Ingamba ni ugusenga cyane kuko akenshi na kenshi ibintu byanjye hari ukuntu nabikoraga nkaryoherwa n’umunyenga w’ibyishimo sinibuke no kwicara ngo mvuge nti reka nsenge. Nasengaga rimwe na rimwe ari ukwikiza ababyeyi ariko nabonye ko burya ibintu byose biyoborwa n’Imana.”

Byavugwaga ko Bushali yafashwe akurikiranyweho gukoresha ibiyobyabwenge ndetse ko ahsobora kujyanwa mu kigo ngororamuco cya Iwawa.

Si ubwa mbere Bushali afungwa kuko no mu mpera z’umwaka ushize yatawe muri yombi hamwe na mugenzi we Slum Drip bakurikiranyweho gukoresha ibiyobwenge.

Bakatiwe gufungwa iminsi 30 y’agateganyo barajurira urukiko rwemeza ko barekurwa bakaburana bari hanze.

Tanga Igitekerezo ukoresheje Facebook

SHARE