Search

Bwa mbere mu Rwanda ‘Korowani’ zigiye gutezwa cyamunara

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Ikigo cy’Igihugu Gishinzwe Imisoro n’Amahoro (RRA) cyatangaje ko kigiye guteza cyamunara ibintu bitandukanye birimo ibitabo bitagatifu by’Abayisilamu ‘Korowani’, imbuto z’imizabibu abayisilamu bakunze kwita ‘itende’ n’ibindi bintu bitandukanye bitishyuriwe imisoro.

Bwa mbere Quran Ntagatifu zigiye gutzwa cyamunara mu Rwanda.

Mu itangazo Ikigo cy’Igihugu Gishinzwe Imisoro n’Amahoro (RRA) iherutse gushyira ahagaragara, rivuga ko igiye guteza cyamunara ibicuruzwa bitandukanye birimo imodoka, inzoga ndetse n’ibindi by’Umuryango w’Abayisilamu mu Rwanda birimo Korowani Ntagatifu.

Nk’uko bigaragara kuri iri tangazo, izi korowani zipima toni 14 n’ibiro 470, zikaba ziri kumwe n’amakarito 1444 apima toni 22 n’ibiro 100 y’imbuto z’imizabibu abayisilamu bakunze kwita ‘itende’ ziribwa mu gisibo cya Ramadhani, bikaba byari byinjiye mu gihugu biturutse mu baterankunga b’Umuryango w’Abayisilamu mu Rwanda.

Ubuyobozi bwa RMC (Umuryango w’Abayisilamu mu Rwanda) ntibwashatse kugira icyo butangaza kuri iki kibazo, mu gihe iyi cyamunara iteganyijwe kuba ku itariki 28 Mutarama 2018, i Gikondo muri Magerwa nkuko bigaragara muri iritangazo.

Ikinyamakuru Igihe cyemeza ko uyu muryango wabuze ubushobozi bwo kwishyura amafaranga y’u Rwanda asaga miliyoni 30 usabwa n’Ikigo cy’Imisoro n’Amahoro kugira ngo uhabwe izi Korowani Ntagatifu n’imbuto z’itende.

RRA isobanura ko iyo ibicuruzwa byarengeje amezi atandatu mu bubiko rusange nk’uko biteganywa n’itegeko, bitezwa cyamunara kugira ngo hagaruzwe umusoro wa Leta kandi haboneke umwanya w’ibindi.

Itangazo rya RRA rya cyamunara.

Umugereka ugaragaza birambye ibizatezwa cyamunara harimo Korowani n’amakarito y’imbuto z’itende.

 

 

Ivan Heritier

Comments

comments




Leave a Reply

Your email address will not be published. Required fields are marked *