Bwambere Harmonize avuze icyatumye atandukana na Diamond, Nyina wa Diamond ntakeneye umuhanzi umenyekana kurusha umuhungu we muri Tanzania, hajemo n’uburozi.

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Umuhanzi Rajab Abdul Kahali ukunzwe mu muziki wa Tanzania nka Harmonize, yavuye imuzi ibyatumye atandukana na mugenzi we Diamond Platnumz, agaragaza amashyari y’uyu muhanzi na nyina nka kimwe mu byatumye urugendo rwabo rurangira.

Harmonize yabigarutseho kuri uyu wa Kane aganira n’itangazamakuru, nyuma yo kugera muri Tanzania avuye muri Leta zunze Ubumwe za Amerika aho yari amaze amezi atatu akorera ibitaramo.

Harmonize

Ni bwo bwa mbere uyu muhanzi yari yeruye akavuga birambuye ibyatumye atandukana na Wasafi Classic Baby (WCB), inzu itunganya umuziki y’umuhanzi Diamond Platnumz.

Harmonize yavuze ko mbere yo gutandukana n’iriya label yasebywaga n’ubuyobozi bwayo, hanyuma yagerageza gukemura ikibazo mu buryo bya kivandimwe ntibigire icyo bitanga.

Yavuze ko abonye ibintu bikomeje gukomera yiyambaje abantu batandukanye barimo na nyina wa Diamond, kugira ngo bamufashe gushyira iherezo ku makimbirane yari akomeje gututumba.

Ati: “Icyo nashakaga cyonyine cyari amahoro. Rero niyambaje Mama Dangote mubwira ko njye na Diamond turi nk’abavandimwe, ndetse ko twanavuye kure cyane dufatanya mu buryo butandukanye. Nifuzaga kumutera ishema kuko yatumye ngira icyo ngeraho.”

Harmonize yavuze ko nyina wa Diamond yari yizeyeho ubufasha yari yifitiye ibindi bitekerezo.

Ati: “Mu gihe nari mwizeye, we yanyumviraga ubusa. Imyumvire ye yari uko intego yanjye ari ukumenyekana kurusha umuhungu we.”

Harmonize yavuze ko akaga ke muri WCB katewe n’imigambi yo kugera ku ndoto ze yari afite, ibyatumye yisanga ahanganye na Diamond, umuryango we ndetse n’ubuyobozi bw’iriya nzu itunganya umuziki.

Yashinje umuhanzi Diamond kuba umunyeshyari, kugeza aho yishyura bimwe mu bitangazamakuru ngo bimwandikeho inkuru zimusebya.

Ati: “Buri gihe iyo umuhanzi atangiye gukundwa, bakunze gushwana na Diamond. Urugero, Shetta na Ommy Dimpoz bari hafi ye ariko bagitangira kwamamara bahise baba abanzi.”

Harmonize kandi yashinje Diamond kugirana amakimbirane hafi na buri muhanzi wese ukomeye mu muziki wa Tanzania.

Ati: “Abahanzi benshi bakomeye bagiranye amakimbirane na Diamond. Reba Ali Kiba, Ben Pol n’abandi benshi.”

Harmonize yavuze ko gushwana na Diamond byageze aho se umubyara yitwa umurozi, yamusura bakavuga ko yaje kuroga Diamond bitewe n’imyambarire ye yari adafite ububasha bwo guhindura.

Ati: “Sinshobora guhindura papa. Afite uburenganzira bwo kunsura igihe abishakiye. Iyo yabaga yansuye mu rugo, bakundaga kuvuga ko yaje kuroga Diamond. Narababajije nti ’Papa ntakwiye kunsura’? Kuko papa ari umunyedini ntakwiye kunsura?”

Diamond niwe wafashije Harmonize kumenyekana mu muziki

Harmonize yavuze ko ibyo yagezeho byose abikesha se umubyara, bityo ko nta mpamvu n’imwe yari gutuma amubuza kwambara imyambaro ye yo mu idini ya Islam.

Yavuze ko kwita se umurozi ari byo byatumye asohoka muri Wasafi, kugeza aciwe indishyi z’abarirwa muri Frw miliyoni 500 azira gukorana indirimbo n’umunya-Nigeria Reekado Banks.

Harmonize yavuze ko byabaye ngombwa ko avuga kuko Diamond yemereye incuti ze kumuta buri munsi we yiyicariye arebera.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO