Bwambere mu Rwanda habonetse umubare munini w’abanduye Coronavirus ku munsi umwe

Minisiteri y’Ubuzima yatangaje ko  kuri uyu wa Gatanu tariki ya 24 Mata 2020 mu Rwanda habonetse abantu 22 bashya banduye Coronavirus, nibwo bwa mbere habonetse abarwayi benshi ku munsi umwe. Umubare w’abayanduye wahise ugera kuri 176 harimo na 87.

Mu itangazo Minisiteri y’Ubuzima (MINISANTE) yashyize hanze  Nta muntu mushya wakize iyi ndwara kuri uyu Gatanu. Kuva iki cyorezo cyagera mu Rwanda, nta muntu n’umwe urahitanwa nayo, iyi akaba ari inkuru nziza ku Rwanda. Abamaze gukira iyi ndwara ni 87 naho abakiyirwaye ni 89.

MINISANTE ivuga ko ubwandu bushya bukomeje kuboneka, bigaragaza ubwiyongere bw’imibare y’abanduye mu batwara amakamyo yambukiranya imipaka n’abo bakorana. Yatangaje ko abarwayi bose bari kuvurirwa ahantu habugenewe kandi bakaba bari koroherwa.

Iyi minisiteri yasabye abaturarwanda bose gukomeza kubahiriza amabwiriza Leta yashyizeho hitabwaho cyane cyane gukaraba intoki kandi kenshi, kuguma mu rugo no kwambara udupfukamunwa igihe bavuye mu ngo ndetse n’iyo bahuye n’abantu benshi.

Itangazo rya MINISANTE ryo kuri uyu wa Gatanu.

 

 

Tanga Igitekerezo ukoresheje Facebook

SHARE