Byinshi kuri Memy, umunyarwandakazi uri mu batanga icyizere mu kumurika imideli

Zaninka Emelyne n’umunyarwandakazi umurika imideli,arazwi mu mujyi wa Kigali ku izina rya Memy ,n’umukobwa uri mu kigero cy’imyaka 23 wihebeye umwuga wo guhanga no kumurika imideli,afite inzozi zo kuzaba icyamamare muri uyu mwuga benshi bagifata nk’uwabibone nyamara winjiza agatubutse kuwabikoranye ubuhanga.

Memy yatangiye kumurika imideli mu mwaka wa 2014 afite icyizere cyo kuzaba umunyamideli ukomeye n’ubwo yari akiri umwana muto ariko ukunda kumurika imideli

” Muri 2014 nibwo ninjiye muri Modeling ntangira gutyaza impano yanjye, mwitangira nari umukobwa muto wiyumvamo icyizere ariko numva inzozi zanjye zitazaba impamo ariko uko imyaka yagiye itambuka amarembo yagiye afunguka ku buryo bukomeye ntiyumvishaga mwitangira” 

Memy umunyarwandakazi ufite indoto zo kugera ku rwego mpuzamahanga mu kumurika imideli

Uyu mwali ubereye ijisho ufite uburebure bwa 1m85cm umaze kwitabira amarushanwa agiye atandukanye mu Rwanda ubarizwa muri Webest Models avuga ko amaze kugira ubunararibonye muri uyu mwuga yifuza gusangiza isi muri rusange by’umwihariko Abanyarwanda.

“Hari ibyo nungukiye mu marushanwa maze kwitabira kandi byanyaguye ubwonko muri uyu mwuga,nize byinshi byazamura uruganda mbamo n’abarukoramo,nize ko impano yatunga uyikora mu gihe ayitayeho kandi nahuye n’abantanze muri aka kazi banyereka uburyo kabyazwa umusaruro.hari byinshi maze kunguka byafasha ndetse byanazamura abana b’Abanyarwanda bakunda umwuga nihebeye”

Ari mu bari baberwa mu Rwagasabo

Ku myaka 23 Memy amaze kwitabira Kigali Fashion Week ihuza ibyamamare mu Rwanda mu kumurika imideli, Mercedes Fashion Week ihuriramo ibihangange mu guhanga no kumurika imideli ku mugabane w’Afurika ndetse na CAX(Creative Africa Exchange) n’ibindi bitaramo bitandukanye bihuza Abanyamwuga mu guhanga no kumurika imideli.

Uyu mwali asanga umuryango Nyarwanda ukwiriye gucika ku isura ifatamo abamurika imideli mu Rwanda

“Hari abantu muri sosiyete Nyarwanda batarasobanukirwa ibyo kumurika imideli,hari abatubona nk’abantu bica umuco nyamara turi mu bashyigikira umuco wacu tukanerekana ubwiza bw’imico y’ahandi tukanabusobanura kuko imyambaro tumurika tugaruka k’uho ikomoka n’impamvu yo kuyambara. isura yo gufata abamurika imideli nk’abataye umuco turashaka ko ukiyifite ayireka ahubwo agashyigikira abamurika imideli yiganjemo iy’umuco Nyafurika”

Amaze kwitabira ibitaramo bikomeye bihuriramo abamurika imideli baturuka impande zitandukanye z’isi

Zaninka uzwi nka Memy avuga ko atahubutse mu kugana inzira yo kumurika imideli kandi yizera kuzaba ikimenywahose hirya no hino

“kumurika imideli s’ibintu ninjijwemo n’umuntu runaka,n’ibintu nagiyemo mbikunze kandi mparanira iterambere ryabyo,mfite icyizere cyo kuzagera ku rwego rukomeye kuko inzira zimaze gufunguka”

Memy yabwiye Ibyamamare.com ko ubunararibonye n’ubumenyi amaze kugira muri uyu mwuga agiye gushaka uburyo abusangiza bagenzi be bari hirya no hino kugirango barusheho guteza imbere umwuga wo guhanga no kumurika imideli mu Rwanda.

Memy umunyarwandakazi uri mubatanga icyizere mu kumurika imideli

 

 

Tanga Igitekerezo ukoresheje Facebook

SHARE