Chelsea Kamembe Official Supporters Club yahawe impano n’ikipe ya Chelsea Fc yo mu Bwongereza

Nyuma yo kwemerwa nk’abafana b’ikipe ya Chelsea FC, ababarizwa muri Chelsea Kamembe Official Supporters Club yo mu karere ka Rusizi bakiriye impano izwi nka ‘Welcome Packs’ bohererejwe n’iyi kipe y’ i London mu Bwongereza.

Welcome packs ni impano igenwa n’ikipe ya Chelsea FC iyigeneye abafana bayo bemewe n’amategeko hirya no hino kw’isi.ikaba ari impano ikipe ya Chelsea FC igenera abafana bayo bemewe n’amategeko mu rwego rwo kubaha ikaze mu muryango w’abanyabururu.

Iyi mpano ihabwa abafana bamaze kurenga 100 kandi biyandikishije kuri page ya Chelsea FC igaragara kuri website y’iyi kipe. Ni impano zitangwa ziturutse mu byiciro bitandukanye harimo abakinnyi ndetse n’abayobozi ba Chelsea.

Zimwe mu mpano bahawe n’ikipe ya Chelsea yo mu Bwongereza

Ku ikubitiro, iyi mpano iba igizwe n’ibirango bya Chelsea FC harimo: Icyapa gikoranye ubuhanga cyanditseho izina rya Chelsea FC, Certificate isinyweho na Chair man wa Board ya Chelsea, umupira wo kwambara umwe usinyweho n’abakinnyi bagera kuri 20 ndetse, Fourard imwe n’ibikoresho bikoreshwa mu buzima busanzwe.

David uyobora Chelsea Kamembe Official Supporters Club yatangarije IBYAMAMARE bishimiye izi mpano kandi bagiye kwagura umuryango wabo ku buryo bugaragara.

” Mbere na mbere twishimiye izi mpano cyane n’ishema kuri twe kuba ikipe dufana ituzi ikanatuzirikana ni ikintu gikomeye. Ubu tugiye kwagura Umuryango twakire abanyamuryango bashya “

Hagenimana David umuyobozi w’abafana ba Chelsea bo muri Kamembe

Bwana David akomeza avuga ko Chelsea Kamembe Official Supporters Club muri uyu mwaka bafite intego yo kwaguka bakaba bakorera mu ntara y’Uburengerazuba hose dore ko bavukiye mu Karere ka Rusizi bakaba basaba abakunzi ba Chelsea kuzabakirana yombi.

“Yego twavukiye i Rusizi ariko dufite gahunda yo kwaguka mu ntara y’Uburengerazuba hose tukegera abafana ba Chelsea tugakorera hamwe , turasaba abakunzi b’ikipe yacu bi Rubavu, Rutsiro, Karongi, Nyabihu no mu tundi duce kuzatwakira neza kugira ngo twubake umuryango ukomeye uhuje umutima n’urukundo “

Chelsea Kamembe Official Supporters Club usibye kuba ari abafana bihebeye ikipe ya Chelsea banakora ibikorwa by’urukundo birimo kuremera abatishoboye, gusura abarwayi n’ibindi bitandukanye bakaba baherutse guha ibiribwa imiryango yagizweho ingaruka na Covid-19 mu murenge wa Gihundwe, muri iyi minsi 100 yo Kwibuka ku nshuro ya 26 bakaba bazoroza inka uwarokotse Jenoside yakorewe Abatutsi muwi 1994.

Aba bafana bakora n’ibikorwa by’urukundo

 

Tanga Igitekerezo ukoresheje Facebook

SHARE