Connect Rwanda challenge ubukangurambaga bugiye gutuma buri rugo ruhabwa smart phone zikorerwa mu Rwanda

Kuwa Gatandatu w’icyumweru gishize nibwo mu Rwanda hatangijwe ubukangurambaga bwiswe Connect Rwanda Challenge bugamije gufasha buri rugo mu Rwanda gutunga telephone igezweho (Smart phone). Abantu batandukanye, ibigo bya leta n’ibyabikorera bakaba bahagurukiye gushyigikira iyi gahunda bavuga umubare wa telepones bazatanga.

Minisiteri y’Ikoranabuhanga na Inovasiyo yatangaje ko iyi gahunda izamara amezi atatu, igamije gufasha buri munyarwanda  gutunga telefoni igendanwa ya smartphone ndetse imworohereza gukoresha ikorana buhanga ritandukanye.

Ku ikubitiro Perezida wa Repubulika y’u Rwanda, Paul Kagame yemeye kuzatanga telefoni 1500 za Mara Phone zikorerwa mu Rwanda.

Nyuma yaho umukuru w’Igihugu mu butumwa yanyujije ku rukuta rwe rwa Twitter yavuze ko umuryango we nawo wemeye kugira uruhare muri iyi gahunda uhereye ku muto kugera ku mukuru.

Ibigo bitandukanye bikorera mu Rwanda nabyo birikugenda bitangaza umubare wa telephone bazatanga muri iyi gahunda babinyujije ku rubuga rwa twitter, MTN yemeye gutanga 1000 Umuyobozi wayo witwa Mitwa Kaemba Ng’ambi yemera gutanga 100 ku giti cye.

Banki Nkuru y’Igihugu yemeye gutanga 1000, Umujyi wa Kigali wemeye gutanga 1158, Donald Kaberuka wigize kuyobora Banki Nyafurika Itsura Amajyambera yavuze ko azatanga telefoni 300.

Kugeza ubu ku rubuga rwa twitter niho iyi gahunda ifite umurindi ukomeye ariko ntibivuze ko n’undi wese udakoresha uru rubuga atemerewe kuvuga telephone yatanga, nyuma zizakusanyirizwa hamwe habeho gukorana n’inzego zibanze zigende zitangwa kuri buri rugo.

Mu mwaka wa 2010 Abanyarwanda bakoreshaga internet bari kuri 7.9% mu gihe ubu muri 2019 bageze kuri 52.1% nk’uko bitangazwa n’urwego Ngenzuramikorere (RURA).

Perezida Kagame azatanga telephones 1500 muri Connect Rwanda Challenge.
Minisitiri w’Ikiranabuhanga na Inovasiyo, Ingabire Paula avuga ko buri rugo rukwiye gutunga smart phone.

 

 

Tanga Igitekerezo ukoresheje Facebook

SHARE