Cristiano Ronaldo bamweretse amashusho ya Se araturika ararira

Umwe mu bakinnyi beza ku Isi Cristiano Ronaldo yaririye mu kiganiro na Piers Morgan kizatambuka kuri televiziyo.

Uyu mukinnyi w’ imyaka 34 ukira ikipe ya Juventus yavuze ko nta bintu byinshi azi kuri se Dinis wahoze ari umusirika akaba yaritabye Imana muri 2005 afite imyaka 52.

Ati “Ntabwo muzi 100%. Yari umusinzi. Ntabwo najyaga ngirana nawe ibiganiro bisanzwe. Byari bigoye”.

Cristiano Ronaldo arikumwe n’ababyeyi be

Nyuma yo kwerekwa ikiganiro se yagiranye n’ itangazamakuru muri 2004 amuvugaho yarenzwe n’ amarangamutima yo kumva se atewe ishema na se amarira amubunga mu maso.

Ronaldo yabajijwe ikintu kimutera agahinda iyo atekereje kuri se agira ati “Kuba ndi uwa mbere akaba atabibona. Ntabwo ambona nakira ibihembo ngo abo uwo nabaye we”.

Uyu mukinnyi umaze gutwara igihembo cy’ umukinnyi w’ umwaka inshuro eshanu yanakomoje ku mukunzi we Georgina Rodriguez.

Umunyamidelikazi w’ imyaka 25 ni umwe mu bari ba nyina b’ abana bane ba Christiano Ronaldo. Ati “Yaramfashije cyane birumvikana ko mukunda. Ni nyina w’ abana bange. Ni inshuti yanjye turaganira, yafungurira amarembo umutima wanjye nanjye nafunguriye umutima”.

The Sun yatangaje ko ikiganiro cya Cristiano Ronaldo na Piers Morgan kizatambuka ITV ejo saa tanu z’ ijoro ku isaha yo mu Bwongereza.

Tanga Igitekerezo ukoresheje Facebook

SHARE