Cristiano Ronaldo yahinduye hoteli ze enye ibitaro byakira abanduye icyorezo cya Coronavirus, azishyura abaganga n’ibizakenerwa byose.

Rutahizamu w’ikipe ya Juventus Cristiano Ronaldo yarangije guhindura hoteli ze enye ibitaro ku buryo bw’agateganyo mu rwego rwo guhangana n’icyorezo cya Coronavirus.

Uyu musore wakiniye amakipe nka Manchester United na Real Madrid, akaba yanatangaje ko aziyishyurira abaganga bazazikoramo kugira ngo abe yagira umusanzu aha igihugu cye mu kurwanya icyi cyorezo cyimaze iminsi cyaribasiye isi.

Ronaldo akaba afite Hoyeli y’inyenyeri enye mu i Funchal aho akomoka ku kirwa cya Madeira aho kuyiraramo bigusaba kwishyura amapound 165 ku ijoro(165 000Frw) mu gihe afite n’indi mu murwa mukuru wa Lisbon, CR7 Pestana Hotel Palace yo bisaba kwishyura hafi ibihumbi 200 ku ijoro ngo uyiraremo. Uyu akaba anafite izindi ebyiri muri iki gihugu.

Ikinyamakuru cya Marca cyo muri Espagne, kikaba gitangaza ko izi hoteli zizifashishwa mu gutanga ubufasha mu kwita ku barwayi bose ba Coronavirus bazazigana, aho kujya kuhivuriza bizaba ari ubuntu kugeza icyorezo gihashyijwe.

Uyu mugabo w’imyaka 35 kuva mu cyumweru gishize na we akaba yari mu kato, ni nyuma yahoo mugenzi we bakinana Daniel Rugani bisanzwe yararangije kwandura iyi ndwara imaze kwica abagera ku 1500 mu gihugu cy’Ubutaliyani.

Ronaldo akaba yarungukiye muri aka kato ngo abone uko yita kuri mama we Dolores Aveira wari umaze iminsi arwaye.pereizda wa guverinoma ya Madeira ariko akaba aherutse gutangaza ko Cristaino Ronaldo nta Coronavirus arwaye aho gusa ingamba zafashwe zitamwemerera kuba yasubira mu Butaliyani vuba gusa akaba akomeje gukora imyitozo aho ari iwabo.

Yari yagize ati: “Isi iri mu bihe bikomeye bisaba kwitabwaho no kwitonda kuri buri umwe.

Uyu munsi ntabwo ndi kuvuga nk’umukinnyi ahubwo nk’umuhungu, nk’umugabo, nk’ikiremwamunt cyizi ibiri kwibasira isi muri iyi minsi.

Ni iby’ingenzi gukurikiriza amabwiriza ya OMS ndetse nay a Leta kugirango tube twakura muri ibi bihe.

Kurinda ubuzima bwa muntu ni cyo cy’ingenzi kurusha ibindi byose. Ndashaka gukomeza ababuze ababo bakundaga”.

Kugeza ubu, umuntu umwe ni we bimaze gutangazwa ko yagaragaje ibimenyetso by’iyi ndwara mu Rwanda ndetse akayisanganywa aho akomoka mu gihugu cy’Ubuhinde.

Leta y’u Rwanda ikaba ikomeje gusaba abanyarwanda kwitwararika no gukurikiza ibyo basabwe mu rwego rwo guhashya iki cyorezo cyibasiye isi.

Tanga Igitekerezo ukoresheje Facebook

SHARE