Cristiano Ronaldo yavuze amagambo asa naho acyurira FIFA yamwimye igihembo cyatwawe na Lionel Messi

Cristiano Ronaldo, umunya- Portugal ukinira ikipe ya Juventus, ntiyigeze agira amahirwe yo kwegukana igihembo cya Best Fifa Football Awards 2019 cyahawe Lionel Messi bamaze imyaka irenga 10 bahanganye.

Cristiano ubwo yagaragaza amarangamutima ye kuri iki gihembo cyahawe Messi yavuze amagambo asa naho acyurira FIFA ari nayo igira uruhare runini mu itangangwa ry’iki gihembo.

Lionel Messi wabaye Best Fifa Football  mu bagabo na Megan Rapinoe wabaye Best Fifa Football mubagore

Nubwo benshi bari biteze ko Virgil Van Dijk ariwe uza kwegukana iki gihembo cy’umukinnyi witwaye neza kurusha abandi ku isi mu mwaka wa 2019,Lionel Messi yatunguranye aragitwara ku majwi 46 y’abatoye,arusha 8 Virgil Van Dijk bari bahanganye waje ku mwanya wa 2 mu gihe Cristiano Ronaldo waje ku mwanya wa 3 we yagize amajwi 36.

Nyuma yo gutsindwa,Cristiano Ronaldo wanze kwitabira uyu muhango waraye ubereye I Milan mu Butaliyani yanditse ku rukuta rwe rwa Instagram ati “Kwihangana no gukomeza guhatana nibyo bintu bibiri bitandukanya uwabigize umwuga n’utari we [amateur].Ikintu cyose kinini ubu cyabanje kuba gito.Ntushobora gukora ibintu byose ariko kora ibyo ushoboye byose kugira ngo inzozi zawe zibe impamo kandi wibuke ko nyuma y’ijoro,umuseke utambika.”

Aya magambo Cristiano Ronaldo yanditse kuri Instagram mu kinya Portugal,yateye benshi kumwibazaho cyane ko benshi bavuze ko yagiriye ishyari Messi bahora bahanganye kuko yamuruhije ibikombe by’umukinnyi mwiza ku isi cyane ko yagize 6 kandi banganyaga 5.

Cristiano Ronaldo yimwe FIFA The Best nyamara yaratwaye Serie A,atwara na Euro Nations League ari kumwe na Portugal mu gihe Messi we yatwaye La Liga ndetse atsinda ibitego byinshi kurusha abandi I Burayi kuko yatsinze 36.

Tanga Igitekerezo ukoresheje Facebook

SHARE