Cristiano Ronaldo, yavuze ko atigeze abona Lionel Messi nk’umukeba we muri ruhago.

Nyuma y’umukino wa Champions League wabaye ku wa Kabiri, rutahizamu wa Juventus yo mu Butaliyani, Umunya-Portugal Cristiano Ronaldo, yavuze ko atigeze abona Lionel Messi wa FC Barcelone nk’umukeba.

Juventus yatsinze FC Barcelone ibitego 3-0, aho Cristiano Ronaldo yinjijemo ibitego bibiri byabonetse kuri penaliti, ikindi gitsindwa na Weston McKennie.

Umunya-Portugal Cristiano Ronaldo, yavuze ko atigeze abona Lionel Messi wa FC Barcelone nk’umukeba.

Muri uyu mukino wo mu itsinda G, Lionel Messi ni we wabonyemo uburyo bwinshi, agerageza amashoti 11 arimo arindwi agana mu izamu.

Ronaldo wahoberanye na Messi mbere y’umukino, yavuze ko nta bukeba bwigeze buba hagati ya bo nyuma yo gukina imyaka icyenda muri shampiyona imwe ya Espagne, ubwo yari muri Real Madrid.

Ati “Buri gihe nahoze mfitanye umubano na we. Nasangiye na we imyaka 12, 13 cyangwa 14 ibirori byo gutanga ibihembo. Sinigeze mubona nk’umukeba.”

“Buri gihe aharanira gukorera ikipe ye ibyiza kandi nanjye ni uko. Nahuye na we kenshi. Gusa ibyo turabizi mu mupira, mu itangazamakuru.”

Kuva mu mwaka w’imikino wa 2003/04, amashoti arindwi Messi yagerageje agana mu izamu, ni yo menshi yageragejwe n’umukinnyi umwe mu mukino wa Champions League, ariko birangira adatsinze igitego.

Ibitego Ronaldo yatsinze ku wa Kabiri ni byo bya mbere yinjije mu izamu rya FC Barcelone mu mukino wa Champions League mu gihe yagezaga 134 amaze gutsinda muri iri rushanwa.

Yavuze ko nubwo FC Barcelone itari kwitwara neza muri iyi minsi, kuri we abona ikiri ikipe ikomeye.

Ati “FC Barcelone iri guca mu bihe bikomeye, ariko iracyari Barcelone.”

“Ukuri ni uko twishimye, twari tuzi ko bisa n’ibitazashoboka, byari bigoye kandi twakinnye neza.”

“Icyadufashije kwari ukwinjira neza mu mukino, twatsinze hakiri kare kandi kuva icyo gihe dutangira kumva ko bishoboka.”

Juventus itaratsindwa muri Shampiyona ya Serie A, yatakaje amanota ku mikino yanganyije ndetse iri ku mwanya wa kane, irushwa amanota atandatu na Milan AC ya mbere.

Nyuma yo kugera muri 1/8 cya UEFA Champions League iyoboye itsinda, Juventus izerekeza ku kibuga cya Genoa mu mukino wa shampiyona uzaba ku Cyumweru.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE