D. Diva ukorera muzika muri China agiye gutanga impano y’amafaranga ku bakunzi b’indirimbo ze

Umunyarwandakazi Diamond Diva [D.Diva] uri mu bahanzikazi bigaragaje muri uyu mwaka, agiye gutanga impano y’amafaranga ibihumbi 500 Frw ku bakunzi be binyuze mu kurushanwa mu buryo bwa challenges.

Uyu mukobwa ubusanzwe yitwa Gatete Colette mu muziki akaba akoresha D.Diva, asanzwe atuye mu mujyi wa Shenzhen mu gihugu cy’Ubushinwa ari naho akorera muzika.

Nyuma yuko D.Diva ashyize hanze indirimbo yise ‘Pull me’ kuri ubu yatangije irushanwa riri mu buryo bwa challenge. Buri wese ubyifuza asabwa kwifata amahusho arimo kubyina cyangwa kuririmba iyi ndirimbo (Pull me) ubundi akayashyira ku mbugankoranyambaga.

Abazagira amashusho azakundwa na benshi (likes) n’azahererekanywa cyane (shares) nibo bazahabwa aya mafaranga ibihumbi 500Frw. Biteganyijwe ko abazegukana ibi bihembo bazatangazwa ku itariki ya 31 Mutarama 2021.

Pull me niyo ndirimbo ya kabiri D.Diva yashyize hanze nyuma y’iyitwa Spray The Love yabanje. Usibye umuziki uyu mukobwa akora n’ibijyanye no kwerekana imideli hariya mu Bushinwa dore ko afite uburanga n’ikimero bidashidikanwaho.

Urupapuro ruranga aya marushanwa ya D.Diva.

Reba hano iyi ndirimbo Pull me ya D.Diva

D.Diva uretse kuririmba anerekana imideli mu Bushinwa.

Tanga Igitekerezo ukoresheje Facebook

SHARE