Danny Vumbi yifashishije abakinnyi ba filime Nick na Assia mu mashusho y’indirimbo ye nshya ‘Yibare’ (VIDEO)

Danny Vumbi uri gutegura album ye ya gatatu, yashyize hanze indirimbo ya gatandatu mu zizaba ziyigize yise ‘Yibare’. Mu mashusho y’iyi ndirimbo uyu muhanzi yifashishije ibyamamare muri sinema Nyarwanda aribo Nick Dimpoz nawe ubifatanya na muzika ndetse na Umutoni Assia.

Muri iyi ndirimbo nshya ya Danny Vumbi agaragara mu isura nshya asutse amaderede, igaruka ku nkuru y’umukobwa uba ukumbuye umukunzi we umuri kure, abara iminsi isigaye kugira ngo babonane.

Uyu muhanzi usanzwe ari n’umuhanga mu kwandika indirimbo akazigurisha, ntiyari amenyerewe mu ndirimbo z’urukundo ariko ngo yumvise iyi kuyirirmba byamubera.

Ati “Nyinshi mu ndirimbo z’urukundo nkoze ndazigurisha. Ariko iyi ng’iyi numvise nayiririmba. Numvise nyine ijyanye nanjye. Numvise yambera.”

Danny Vumbi anavuga ko iyi ndirimbo ari iya gatandatu muri 12 zizaba zigize album ye ya gatatu izaba yitwa ‘Inkuru nziza’ yitegura gushyira ku isoko mu minsi irimbere.

‘Yibare’ mu buryo bw’amajwi yakozwe na Madebeat naho amashusho yafashwe anatunganywa na Fayzo. Iyi ikaba ibaye indirimbo ya kabiri Danny Vumbi ashyize hanze kuva yakwinjira mu nzu ifasha abahanzi ya KIKAC Music ibarizwamo na mugenzi we Mico The Best.

REBA IYI NDIRIMBO”Yibare” HANO:

 

 

 

Tanga Igitekerezo ukoresheje Facebook

SHARE