Daymakers bateguye igitaramo ‘Bigomba Guhinduka’ ya kabiri batumiyemo na Bushali

Abanyarwenya bibumbiye mu itsinda rya Daymakers Edutainment bongeye gutegura igitaramo bise Bigomba Guhinduka igice cya kabiri, kizaba mu Ukwakira 2019. Batumiyemo umuhanzi Bushali uri mu bagezweho muri iyi minsi, Michael Sengazi, Joshua, Bishop Gafaranga n’abandi.

5K Etienne na Japhet bagize itsinda Daymakers, n’abanyarwenya bamaze kwigarurira imitima ya benshi kubera urwenya bakora bagendeye kunsanganyamatsiko ya ‘Bigomba Guhinduka’.

Muri Mata uyu mwaka nibwo aba banyarwenya bakoze igitaramo cyabo cyambere cy’amateka bise ‘Bigomba Guhinduka’, cyitabiriwe ku rwego rwo hejuru abandi basubizwayo kubera kubura imyanya. Nyuma yaho bazengurutse mu ntara zitandukanye basetsa abakunzi b’inzenya zabo.

Ku itaraiki ya 12 Ukwakira 2019, aba banyarwenya bateguriye abakunzi babo ikindi gitaramo gikomeye bise ‘Bigomba Guhinduka’ edition2. Kikazabera mu ihema Camp Kigali, guhera saa kumi n’ebyiri z’umugoroba (6:Pm).

Umuyobozi wa Daymakers Edutainment, Mugisha Emmanuel Clapton uzwi nka Kibonke. Yabwiye Ibyamamare.com ko kuri iyi nshuro iki gitaramo kizaba gifite umwihariko utandukanye cyane n’icya mbere.

Ati “Kuri iyi nshuro biza bitandukanye cyane n’inshuro ya banje, ubu ntamuntu uzongera gutaha atarebye igitaramo kandi yaguze itike kuko tuzakorera mu ihema rinini ry’Akagera. Abanyarwenya bazaba bahari ni benshi kurusha cya gihe na Content tuzerekana nayo irarusha iya kiri gihe, turizera ko bose bazishima cyane”.

Muri iki gitaramo aba banyarwenya bazafatanya n’abandi barimo Michael Sengazi, Patrick, Nimu Roger, Divine, Joshua, Kepha Lee na Bishop Gafaranga n’abandi.

Umuraperi Bushali uri mu bagezweho nawe azataramira abazitabira iki gitaramo ndetse n’itorero Inkindi Itatse mu gihe uzavangavanga umuziki ari Anita Pendo.

Kwinjira ni 10,000Frw muri VIP, 5000 ahasigaye hose na 2000 ku banyeshuri.

Urupapuro rwamamaza iki gitaramo.
5K Etienne na Japhet bamaze kwigarurira imitimaya benshi muri Bigomba Guhinduka.
Bigomba Guhinduka igice cya mbere kitabiriwe n’abantu benshi.

 

Tanga Igitekerezo ukoresheje Facebook

SHARE