Diamond ashaka kuzenguruka East africa abyara, yasezereye abagore bo muri Uganda, Tanzania na Kenya, ubu abagezwho ni mu Rwanda n’Abarundi, Arahera he?

Ubu inkuru irikugarukwaho cyane mubitangazamakuru by’imyidagaduro muri Tanzania, ni itandukana ry’umuhanzi Diamond Platnumz n’umukobwa wo muri Kenya witwa Tnasha Donna, uyu mugore yamaze kuzinga ibye aheka umwana we yabyaranye na Diamond ava muri Tanzania asubira iwabo muri Kenya.

Diamond, yabanje kubyarana na Zari wo muri Uganda, batandukana bamaranye igihe gito, nyuma abyarana na Hamissa Mobeto wo muri Tanzania, ubu uwari agezweho yari umunyakenyakazi Tanasha Donna nawe batandukanye bafitanye umwana umwe bise Naseeb Junior.

Diamond na Tanasha

Abantu benshi bakomeje kwibaza niba Diamond ashaka kuzenguruka East Africa abyarana n’abakobwa bo muri burigihugu, ubu ngo abatahiwe ni abo mu Rwanda n’i Burundi

Ray Vanny umwe mubahanzi babarizwa munzu itunganya muzika ya Diamond, WCB, yibajije umugore cyangwa umukobwa, boss we Diamond azakurikizaho hagati y’abanyarwandakazi n’abarundikazi

Ray Vanny asa nutebya yagize ati “”🇰🇪🇹🇿🇺🇬 mwarakoze kuri aba bana😂😂😂 tugomba kuzenguruka afurika y’iburasirazuba – ni ikihe gihugu ushaka ko intare yongeye kwimuka ??? 😂😂😂 ‘” aha Ray Vanny yabazaga abakunzi be igihugu boss we yakwimukiramo agashakamo uwo babyarana hagati y’ibihugu bibiri bisigaye bya East africa

Tanasha Dona na Diamond ntagihe kinini bari bamaranye bari murukundo, wabonaga ari couple yishimanye bitewe nuburyo bakundaga kugaragaza urukundo rwabo babinyujije kumbuga nkoranyambaga bakoresha.

Diamond na Tnasha bafitanye umwana

Tanasha na Diamond, uretse gukundana no kuba barabyaranye umwana w’umuhungu, bari baherutse no gukorana indirimbo bise “Gere”iri muzukunzwe cyane kurubuga rwa youtube, Diamond ufite umuziki ukunzwe cyane muri iki gihe wabonaga ashaka kuzamura uyu mugore we kugirango nawe amenyekane muri muzika.

Ubu Tanasha Donna na Diamond ntibacana uwaka, inkuru irikubavugwako ni uko bamaze gutandukana ndetse uyu mugore yashinje umuryango wa Diamond gukorana n’imyuka mibi ya shitani.

Tanasha wari inshuti y’akadasohoka y’umuryango wa Diamond, yaborotse inshuti zose z’uyu muhanzi kugeza no kuri Nyina ubyara Diamond ndetse ngo yazinze n’utwangushye ava muri Tanzania yisubirira iwabo muri Kenya hamwe n’umwana we.

Uyu mugore yagize uburakari ahita asiba amafoto yose yagaragaza iby’urukundo rwabo yari ari ku rukuta rwe rwa Instagram.

Yasibye amafoto hafi ya yose ari kumwe na Diamond Platnumz cyangwa andi yashyizeho amwifuriza isabukuru nziza n’ayo yashyiragaho atakagiza uyu muhanzi w’ikirangirire.

Ubu, amafoto ariho agaragaramo uyu muhanzi ni ayo mu ifatwa ry’amashusho y’indirimbo baherutse guhuriramo bise ‘Gere’.

Tanasha agaragaza ko yashaririwe ndetse n’ubwo aterura ngo avuge uko bimeze akagaragaza ko hari abagabo b’abahemu.

Ku Cyumweru tariki 02 Werurwe 2020, yanditse amagambo agaragaza uburyo abakobwa bazamenya ko nta rukundo rw’ukuri barimo, mu nyandiko yahaye umutwe ugira uti ‘Bagore muzajye mwibuka, uru si urukundo rw’ukuri” arangije arondora amagambo menshi yerekana ibizabibereka.

Yagaragaje uburyo umugabo wikunda asuzugura umukobwa, atita ku mukunzi we, akamuyobora, ntiyite ku byiyumviro bye, indyarya, akagira ibinyoma byinshi, agufiteho imishinga wowe utazi, ntakuvugishe… avuga ko uwo aba atagukunda ndetse ko gukundana nawe uba umeze nk’uri gutokora ifuku.

Arakomeza ati “Arakunyunyuza, ntakwihanganishe, agakoresha amategeko n’amabwiriza, akishyira hejuru, ntakumve.”

 

Tanga Igitekerezo ukoresheje Facebook

SHARE