Diamond Diva umunyarwandakazi ukorera muzika muri China yashyize hanze indirimbo nshya yise ‘Pull me’ (Video)

Ukobukeye nuko bwije muzika Nyarwanda ikomeje kugenda yunguka abahanzi bashya kandi buri wese akaza afite umwihariko udasanzwe. Diamond Diva nawe uri mu bahanzi bigaragaje muri uyu mwaka, yashyize hanze indirimbo ye ya kabiri yise ‘Pull me’.

Uyu mukobwa ubusanzwe yitwa Gatete Colette mu muziki akaba akoresha Diamond Diva (D.Diva), asanzwe atuye mu mujyi wa Shenzhen mu gihugu cya China ari naho akorera muzika.

Mu mpera z’icyumweru gishize nibwo yashyize hanze indirimbo ye ya kabiri yise ‘Pull me’ yasohokanye n’amashusho, ikaba igiye hanze ikurikira iyitwa ‘Spray The love’ yabanje.

Umwihariko kuri uyu mukobwa n’uburyo amashusho y’indirimbo ze ubona ko ari ku rwego rwiza bitanga icyizere ko muzika ye ishobora kugera kure.

Usibye muzika D.Diva akora ibijyanye no kwerekana imideli hariya mu Bushinwa dore ko afite uburanga n’ikimero bidashidikanwaho.

Mu kiganiro kigufi yagira na IBYAMAMARE.com yavuze ko intumbero ye ari ugukora cyane akarushaho kuzamura ibendera rya muzika Nyarwanda yaba aho atuye n’ahandi hose ku Isi.

Nubwo ataba mu Rwanda ariko akurikirana ibihabera umunsi ku wundi cyane cyane ibijyanye na muzika. Ngo ababazwa cyane n’uburyo imyumvire ya bamwe ku muziki itarahinduka nkaho umuhanzi agerageza gukora ibikenewe ku isoko ry’abawukunda ariko bamwe bagasesengura babijyanisha n’umuco bigatuma igihangano cye gisa nigiciriwe urubanza.

D.Diva nyuma yo gushyira hanze iyi ndirimbo ‘Pull me’ avuga ko afite n’indi mishinga iri muri studio nayo izasohoka mu minsi ya vuba. Arateganya no gukorana n’abandi bahanzi batandukanye atifuje guhita atangaza basanzwe bafite amazina akomeye mu muziki.

D.Diva Umunyarwandakazi ukorera muzika muri China.

REBA HANO INDIRIMBO NSHYA YA DIAMOND DIVA

D.Diva afatanya muzika no kwerekana imideli mu Bushinwa.

Afite intego yo kumenyeaknisha muzika Nyarwanda mu Bushinwa n’ahandi hose ku Isi.

 

Tanga Igitekerezo ukoresheje Facebook

SHARE