Diamond Platnumz yahishuye izina yise umwana we wa Kane w’umuhungu yabyaranye n’Umunyakenya

Umuhanzi Naseeb Abdoul uzwi nka Diamond Platnumz wo mugihugu cya Tanzania yatangaje amazina y’umwana we wa kane yabyaranye n’umunyakenyakazi Tanasha Dona.

Uyu mwana w’umuhungu Diamond yabyaranye na Tanasha, yiswe izina ku munsi Diamond yizihizaga isabukuru y’amavuko y’imyaka 30 ari nawo munsi uyu mwanya yavukiyeho, ku wa 2 Ukwakira 2019 kugeza ubu uyu muryango ntiwari wagatangaza amazina yuyu mwana wabo.

Diamond akikiye umwana we

Uyu mwana bamwise Naseeb Junior bitandukanye n’abandi bana Diamond yagiye abyarana n’abandi bagore.

Diamond yari asanzwe afite abandi bana yagiye abayarana n’abandi bagore harimo babiri yabyaranye n’umugandekazi Zarinah Hassan n’undi yabyaranye na Hamissa Mobeto ukomoka muri Tanzania

Ngo guha uyu mwana izina rya Naseb bigaragaza ukuntu Diamond yitaye ‘cyane’ kuri Tanasha Donna bamaranye igihe mu munyenga w’urukundo.

Abinyujije ku rukuta rwe rwa Instagram, Tanasha yavuze ko umwana we yiswe ‘Naseseb Junior’ mu gihe amazina nyayo y’umuhanzi Diamond ari Naseeb Abdul Juma.

Kuva uyu mwana yavuka Diamond yavuze ko ari impano idasanzwe mu buzima buri mugabo wese yakwifuza kugira.

Urukundo rwa Diamond na Tanasha rwatangiye kuvugwa cyane mu mpera z’umwaka wa 2018.

Ubu Diamond afite abana bane yabyaye ku bagore batandukanye, bose ntanumwe w’isezerano urimo, Diamond avuga kuba yagira abagore benshi atari ikibazo kuri we kuko idini rye rya Islam ribimwemerera.

Tanga Igitekerezo ukoresheje Facebook

SHARE