Diamond Platnumz yinjiye muri Stade ari muri kajugujugu ubwo yari yitabiriye ibirori by’ikipe ya Simba(Amafoto)

Umuhanzi Diamond Platnumz uri mubakunzwe cyane muri Afurika, yatunguye abakunzi be, aza ari mri kajugujugu ubwo yinjiraga muri sitade yitiriwe Nyakwigendera Benjamin Mkapa, mu birori by’Umunsi Mukuru w’Ikipe ya Simba SC byiswe ‘Simba Day’.

Ibirori byo kwizihiza umunsi wahariwe Simba Sports Club byabaye kuri uyu wa Gatandatu tariki 22 Kanama 2020, mu Mujyi wa Dar el Salam ahaherereye iyi stade ya Benjamin Mkapa.

Diamond ari kuririmbira abafana b’ikipe ya Simba

Ni ibirori byabereyemo n’umukino wahuje iyi kipe iri mu zifite abafana benshi ndetse na Vital’O FC yo mu gihugu cy’u Burundi.

Uretse uyu mukino kandi habayeho n’umwanya wo kwishimira ibyo iyi kipe yagezeho mu mwaka ushize w’imikino ndetse banamurika abakinnyi bashya bazifashishwa mu bihe biri imbere.

Diamond Platnumz usanzwe ari umwe mu bafana b’imena ba Simba SC yari anaherutse kuyihimbira indirimbo, yaje gususurutsa abitabiriye ibi birori ari muri kajugujugu.

Ubwo yageraga hejuru ya sitade, abantu bose babanje kugira ngo ni indege iri kuzenguruka hejuru ya sitade iraza guhita ikomeza gahunda zayo ariko bagiye kubona babona imanutse muri sitade ndetse havamo Diamond Platnumz.

Ubwo yageraga hasi mu kibuga abantu bose bahise bahaguruka bamwakiriza induru n’amashyi menshi maze nawe ahita aririmba indirimbo yahimbiye iyi kipe ya ‘Simba SC’.

Uretse Diamond Platnumz waririmbye muri ibi birori hari harimo kandi na Rayvanny, ndetse n’umuhanzi Meja Kunta nawe uri mu bahanzi bari kuzamuka neza muri Tanzania

Tanga Igitekerezo ukoresheje Facebook

SHARE