Diamond yaciye Harmonize millioni 500 kugirango yemererwe gusohoka muri Wasafi no gukoresha izina rye mubikorwa bya muzika

Harmonize umwe mu bahanzi bakomeye mu Gihugu cya Tanzaniya ubu yatandukanye n’inzu ikora umuziki ya Diamond WCB ikomeye mu Gihugu cya Tanzania.

Harmonize, umuhanzi w’imyaka 25 ufite izina rikomeye cyane muri icyi gihugu ubu yamaze kwitandukanya na WCB ya Diamond. Ni mu gihe yari afitanye amasezerano yo gukorera muri iyi nzu agera ku myaka 15 yose.

Umuhanzi Harmonize yamaze gutandukana na Diamond wamuzamuye muri muzika

Harmonize mu myaka ine gusa amaze akorana na Diamond, ubu akaba afite izina riremereye yasheje amaserano afitanye n’iyi nzu , asaba ko yakomeza kujya kurengera ibihangano bye. Gusa ukurikije Kontaro afitemo arasabwa kwishyura amashiringi miriyoni 500 (Ni ukuvuga asaga miriyoni 202 mu mafranga y’u Rwanda).

Mu kiganiro yagiranye na Radio Clouds FM kuri uyu wa 24 Ukwakira 2019, Harmonise yatangaje ko amaze kugurisha inzu ze zigera muri 3 ndetse n’indi mitungo , ubu hakaba hasigaye ideni rito.

Yakomeje avuga ko ashaka kwishyura iri deni kugira ngo abone uburenganzira ku bihangano bye akore nk’umuhanzi wigenga. Avuga ko ibi atabikora nko kubahuka ‘label’ ya Wasafi yamureze nk’uko byakunze kuvugwa.

Ati “Ukuri n’uko ibintu bitakimeze nka mbere, sinshaka kubeshya. Ubumwe bwanjye n’abo muri Wasafi ntabwo buhagaze neza. Nyabuneka mujye mubashimira kuko nibo batumye ngera aha. N’ubwo hari ibibazo by’imbere ntashobora kuvugira aha. Nahisemo gukora nk’umuhanzi wigenga kandi sinshaka kubiba.”

Nyuma y’ukwezi kumwe Harmonize avuye muri WCB, yahise ashinga inzu ifasha abahanzi yise ‘Konde Music Worldwide’. Uyu muhanzi uzwi nka Konde Boy avuga ko abinyujije muri ‘label’ ye nshya azashyira imbere guteza imbere impano z’abahanzi bo muri Tanzania.

Twabibutsa ko Perezida Maghufuli wa Tanzania aherutse gusaba uyu muhanzi kuba yaziyamariza kuyobora agace avukamo .

Tanga Igitekerezo ukoresheje Facebook

SHARE