Diane Uwineza warajwe mw’ishyamba yemerewe kwiga muri TTC ZAZA nyuma y’Ubuvugizi bw’Itangazamakuru

Nyirangendahimana Leonia umubyeyi wa Diane Uwineza umunyeshuli wari wangiwe kwiga muri TTC ZAZA kubera kubura mafaranga y’ishuli ari mu byishimo bidasanzwe kubera ko umwana we yemerewe kwiga nyuma y’ubuvugizi bw’Itangazamakuru.

Mu gitondo cy’uyu munsi taliki 22 Mutarama hacicikanye  inkuru y’umunyeshuri Uwineza Diane wari ugiye kwiga mu ishuri T.T.C Zaza mu mwaka wa kane , iyo nkuru ikaba yavugaga ko umunyeshuri yarajwe mu ishyamba kubera kubura amafaranga y’ishuli .

Nyuma y’ibitecyerezo byagiwe bitambutswa hirya no hino ku mbuga nkoranyambaga aho abantu benshi banengaga icyi cyemezo cyari cyafashwe n’ubuyobozi bw’Ishuli rya TTC ZAZA umubyeyi w’uyu munyeshuli yishimiye ko umwana we yahawe amahirwe yo kwiga maze amafaranga yaburaga akazayishyura buhoro buhoro.

Mu kiganiro kuri telephone Nyirangendahimana yemeje ko umwana we yemerewe kwiga

Mu magambo ye yagize ati

“kuba bakiriye umwana wanjye bakaba bamushyize mu ishuri ndishimye cyane rwose .nsize umwana yishimye anezerewe nta kibazo afite,ubu arimo ariga nk’abandi bana”

Nyirangendahimana usanzwe ucuruza Voka yakomeje avuga ko agiye gukora uko ashoboye kugira ngo umukobwa we azatahane amanota meza

ati:

”ubusanzwe ndangura avoka z’ibihumbi 2000 frws nkazicuruza nkakuramo ibihumbi 3000frws ,ayo nzajya nkuramo nzajya ngerageza mwoherereze nawe arebe ko yabaho ndetse ndizera ko azatahana amanota meza “

Mw’ijwi rya Nyirangendahimana ati :”Ubutumwa mfite bwo guha ababyeyi ni ikintu kimwe gusa nugusenga Imana yo mu Ijuru bakizera ntibagire ibindi bintu ku mpande ,bagatumbira Imana yonyine”

Aha niho uyu mubyeyi n’umwana we baraye nyuma y’uko bari basohowe muri TTC ZAZA kubera kubura amafaranga y’ishuli yuzuye

Umuyobozi wa TTC ZAZA ku murongo wa telefone yanze kugira icyo atangariza itangazamakuru

 

Tanga Igitekerezo ukoresheje Facebook

SHARE