DJ Miller wamamaye mukavangavanga imiziki hano mu Rwanda, yapfuye

Karuranga Virgile wamamaye nka Dj Miller kubera kuvangavanga imiziki hano mu Rwanda, yapfuye kuri iki Cyumweru aguye mubitaro byitiriwe Umwami Faisal

Amakuru agera ku kinyamakuru Ibyamamare.com, aravugako uyu mugabo wari amaze igihe gito ashatse umugore yazize indwara ya ‘Stroke’.

Urupfu rwa Dj Miller rwanemeje n’abandi bantu bahafi ye barimo na DJ Toxxyk babanaga mu itsinda bise Dream Team DJs.

Dj Miller

Amakuru ava mu nshuti ze za hafi avuga ko mu ntangiriro z’iki cyumweru aribwo yashyizwe mu Bitaro byitiriwe Umwami Faisal nyuma yo kugira ibimenyetso by’indwara ya stroke itera guturika kw’imitsi y’ubwonko.

DJ Miller apfuye afite imyaka 29, yatangiye umwuga wo kuvanga imiziki mu 2012 atojwe na DJ Karim bahuriye mu itsinda rya Dream Team DJs.

Yacuranze mu bitaramo bitandukanye bya Rock Events bikunze kuba harasirwamo ibishashi bitangiza umwaka, muri Waka Warrior Race 2015, mu birori byo Kwita Izina mu 2015, n’ibitaramo bya New Years’ Vibes. Yibukirwa cyane ku gucurangira Sauti Sol ubwo bari mu rugendo rwa album yabo ya ‘Live and Die in Africa’ mu 2016, yanacuranze mu birori bya Jameson Connects Rwanda Party.

Ni umwe mu bavanga imiziki wari umaze kwandika izina rikomeye aho yanakoranaga n’abahanzi b’ingeri zose mu ndirimbo zitandukanye. Yakoranye na Butera Knowless, Dream Boys na Riderman indirimbo yitwa “Iri Joro ni Bae”.

Dj Miller yari amaze iminsi avugwa mugitaramo cy’Imbwa cyagombaga kuzaba mu kwezi kwa 6

Yakoranye kandi na Social Mulla mu ndirimbo yitwa Stamina, Un Million c’est Quoi na Peace ndetse na Belle yahuriyemo na Peace na Urban Boys.

Dj Miller yakoze ubukwe mu kwezi kwa 6 uyu mwaka na Hope Nigihozo, apfuye bafitanye umwana umwe wari umaze kugira amezi 6.

Dj Miller yakoze ubukwe umwaka ushize

Mu mwaka ushize yari yashyingiranywe na Hope Nigihozo ndetse mu Ukuboza bibaruka imfura y’umukobwa bise “Shani”

Dj Miller yari amaze iminsi avugwa cyane kubera igitaramo cyo gucurangira Imbwa yagombaga kuzitabira mu kwezi kwa 6 uyu mwaka.

Tanga Igitekerezo ukoresheje Facebook

SHARE