Dj Pius yabaye umuhanzi wambere mu Rwanda Diamond yatangiye gucururiza indirimbo

IBM Radio Listen Live

KANDA HANO UREBE VIDEO

Dj Pius yabaye umuhanzi wambere mu Rwanda utangiye kugurishirizwa indirimbo na Diamond Platnumz wo muri Tanzania binyuze ku rubaga rwe yise “Wasafi.com”.

Dj Pius yabimburiye abandi bahanzi Nyarwanda kugana Wasafi ngo ibacururize indirimbo. 

Umuhanzi Diamond mu ntangiriro za Werurwe muri uyu mwaka nibwo yatangije urubuga rwa Wasafi.com, agurishirizaho indirimbo ze bwite, iz’abahanzi babarizwa muri Wasafi, abo muri Nigeria n’abandi bo mu bihugu bitandukanye bya Afurika babyifuza.
Mu mpera z’uko kwezi kwa Werurwe nibwo uyu muhanzi yavuze ko ishami rya Wasafi.com rigiye gutangira gukorera mu Rwanda ndetse yamaze gushyira umukono ku masezerano na kompanyi izamuhagararira mu Rwanda.
Kuva ubwo yasabye abahanzi Nyarwanda bifuza gucururizwa indirimbo zabo na Wasafi.com ko babagana maze bakagirana amasezerano.
Dj Pius niwe washoboye kubimburira abandi aho kuwa kane w’iki cyumweru dusoza nibwo indirimbo ze zashyizwe kuri uru rubuga zitangira kugurishwa.

Dj Pius ubu indirimbo ze zirikugurishirizwa kuri Wasafi.com.

Kugirango ukure indirimbo ya Dj Pius kuri uru rubuga wishyura amafaranga y’u Rwanda 118 ku bakoresha simcard za MTN. Inyungu y’amafaranga ava muri izi ndirimbo Diamond ayagabana n’umuhanzi hagendewe ku ijanisha ryayo bumvikanye.
Diamond yahise yandika kuri instagram asaba buri muhanzi nyarwanda wese wifuza ko indirimbo ze zatangira gucuruzwa ku rubuga rwe (Wasafi.com) yazijyana ku ishami ryabo ry’i Kigali rikorera ahari Clouds Tv.

 

 

Ivan Heritier

78,042 total views, 64 views today

Comments

comments




Leave a Reply

Your email address will not be published. Required fields are marked *