Search

Dominic Nic yatunguriwe bikomeye mu gitaramo cya Israel Mbonyi (Amafoto)

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Dominic Nic Ashimwe ni umwe mu bahanzi b’ibyamamare bari bitabiriye igitaramo cyo kumurika album ya kabiri ya Israel Mbonyi, uyu musore yaje gutungurwa bikomeye ubwo Mbonyi yamuhamagaraga ku rubyiniro maze agatangira ku muririmbira afatanyije n’imbaga y’abari bitabiriye iki gitaramo bamwifuriza isabukuru nziza y’amavuko yari yagize kuri uyu munsi.

Dominic ahoberana na Mbonyi wari umaze kumutungura ku munsi we w’amavuko.

Igitaramo cyo kumurika album ya kabiri ya Mbonyi yise ‘Intashyo’ cyabaye ku mugoroba wo kuri iki cyumweru tariki ya 10 Ukuboza 2017, kibera mu mujyi wa Kigali ahitwa Kigali Conference and Exhibition Village hahoze hitwa Camp Kigali.

Iki gitaramo cyari cyitabiriwe ku rwego rwo hejuru, mu bakitabiriye harimo n’ibyamamare bitandukanye bisanzwe bizwi hano mu Rwanda harimo n’umuhanzi Dominic Nic uri mu bakomeye mu ndirimbo zo kuramya no guhimbaza Imana.

Ubwo iki gitaramo cyaganaga ku musozo, Israel Mbonyi yahamagaye abandi bahanzi bafatanyije ku ririmba muri iki gitaramo ngo bafatanye kuririmba ‘Mfite impamvu’. Yahise ahamagara Dominic Ashimwe mu buryo butunguranye, ahita anatera indirimbo ye iri mu zakunzwe cyane yitwa ‘Nemerewe Kwinjira’ yanishimiwe na benshi.

Mbonyi yahise abwira abahanzi bafatanyije ati “Ndabizi ko ntabateguje, ariko muranyihanganira muze mumfashe kuririmba aya magambo”; Niko guhita batangira kuririmbira Dominic Ashimwe bamwifuriza isabukuru nziza y’amavuko, akaba yari yujuje imyaka 32.

Dominic Ashimwe yabwiye Ibyamamare.com ko ari igitangaza gikomeye kuko yavutse mu masaha ya saa mbili z’ijoro ajya guhura n’igihe Mbonyi yamutunguriye.

Ubwo Dominic yahamagarwa ku rubyiniro na Mbonyi ngo yaketse ko agiye kumubwira ngo aririmbe.

Yagize ati “Natunguwe no guhamagarwa na Mbonyi nabanje kugira ngo bagiye kumbwira ngo ndirimbe ariko ndavuga nti ntibyashoboka kuko amasaha yakuze. Nari nibagiwe iby’uyu munsi kubera ibyiza twarimo twakira biturutse ku mukozi w’Imana. Natekerezaga ko agiye guhamagara abandi bahanzi tugafatanya guhimbaza Imana. Namushimiye ko yantekereje muri iyi gahunda.”

Yakomeje agira ati “Ni umunezero mwinshi kuri njye. Ni n’igitangaza gikomeye kuko navutse mu masaha ya saa mbili z’ijoro ajya guhura n’igihe Mbonyi yampamagariye (ahagana saa tatu). Byanyeretse urukundo abantu bakimfitiye kandi n’abahanzi twari kumwe banyeretse ko dufitanye igihango nk’umuryango.’’

Dominic yanashimiye abakunzi be bose bamwifurije isabukuru nziza binyuze mu buryo butandukanye avuga ko ari ibyagaciro gakomeye ku buryo atabona uko abivuga.

Subwambere Dominic atunguriwe mu gitaramo kuko no mu mwaka wa 2016 ubwo yari mu gitaramo yakoze yise ‘The Victory’cyabereye kuri New Life Bible Church, nabwo inshuti ze zaramutunguye zimusanga ku rubyiniro zimuririmbira banamuzaniye umutsima wanditseho izina rye.

Batangiye kumuririmbira bamwifuriza isabukuru nziza aratungurwa.

Patient Bizimana asuhuzanya na Dominic bari bamaze gutungura bamwifuriza umunsi mwiza w’amavuko.

Dominic yashimiye na Dudu.

Mu mwaka washize nabwo Dominic yatunguriwe mu gitaramo yari yakoze.

 

 

Ivan Heritier

Comments

comments




Leave a Reply

Your email address will not be published. Required fields are marked *