Donald Trump ari mumazi abira nyuma yo gufatwa amajwi ari gusaba umuyobozi wa Leta imwe yo muri Amerika ngo amwibirire amajwi yaburaga ngo agume kubutegetsi.

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Muri Amerika naho humvikanye amajwi ateye agahinda y’umuyobozi washatse kugundira ubuyobozi, aho Donald Trump yumvikanye arimo asaba ngo bamwibire amajwi yaburaga ngo abashe kuguma kubutegetsi binyuze mu burigaya.

Agahinda ko gutsindwa ndetse n’inyota y’ubutegetsi itagira uko ingana byatumye Perezida Trump ahamagara mu gihe cy’isaha yose Umunyamabanga wa Leta ya Georgia, Brad Raffensperger, amusaba gukora iyo bwabaga akamurwanaho mu minsi ye ya nyuma, akareba uko yamuramira abinyujije mu kumwibira amajwi yatuma Trump agaragara nk’uwatsinze amatora muri iyo leta.

Ni igitangaza gikomeye cyakozwe n’uyu Muyobozi w’Ikirenga wa Amerika, igihugu kimenyekanishije nk’inyenyeri iri hejuru ku musozi, imurikira abasigaye bose ikabereka uburyo bwiza bw’imibereho bushingiye kuri demokarasi, isobanurwa nk’itagomba gutanywa no kwemera ibyavuye mu matora.

Mu kiganiro bagiranye kuri telefoni kuri uyu wa Gatandatu, Trump yumvikanye yinginga Brad amubwira ko hari icyo yakora akamubonera amajwi 11 780 yaburaga kugira ngo atsinde amatora muri iyo Leta y’ingenzi cyane, aho ifite amajwi mwihariko (electoral college votes) 16 kandi ikaba yaratsindiwe na Joe Biden wari uhanganye na Trump mu matora ya Perezida wa Amerika yabaye ku wa 3 Ugushyingo umwaka ushize.

Yagize ati “icyo nisabira gusa ni ugushaka uko wambonera amajwi 11 780”.

Brad yashwishurije Trump wamusabaga amwinginga, amubwira ko amajwi yemejwe n’Inkiko zo muri Leta ya Georgia ku buryo anyuze mu mucyo, ati “tuzahagarara ku majwi twemeje, twizeye ko ari ukuri”.

Leta ya Georgia ni imwe muri Leta zatesheje Trump amanota mu gihe cy’amatora, ndetse ni nayo ya mbere yahaye Joe Biden icyizere cyo gutsinda amatora.

Kubera uburyo yari ingenzi cyane, Trump n’abambari be bakomeje gutanga ibirego bavuga ko amajwi y’iyo Leta atabaruwe neza, bituma abarwa inshuro eshatu zose, kugeza ubwo Urukiko Rukuru muri iyo Leta rwemeje ko ibirego bya Trump n’abambari be nta nshingiro bifite.

Trump wageraga aho akumvikana nk’ufite ikiniga, yageze ubwo abwira Brad ko hashobora kuba harabayeho kwibeshya mu ibarwa ry’amajwi, ati “nta kibi nkoze kukubwira ko mushobora kuba mwaribeshye mu kubara amajwi”.

Brad utigeze yemerenya na gato n’ubusabe bwa Perezida, yamubwiye ko ikibazo cye ari uko afite amakuru y’amahimbano, ati “Nyakubahwa Perezida ikibazo ufite ni uko amakuru yawe ari ibinyoma”.

Trump wari umeze nk’ufite igihunga mu ijwi rye yageze aho yibutsa Brad ko higeze kugaragara amashusho yerekana imashini z’amatora zimurwa muri bimwe mu biro by’amatora byo muri Georgia, ibirego abanyamategeko ba Brad bakozeho ubushakashatsi bagasanga nta shingiro bifite.

Trump ati “ariko nyamara mushobora kongera mukabisuzuma. Ariko kuri iyi nshuro mwabisuzumana n’abantu bashaka kubona ibisubizo bizima, aho kubisuzumisha abantu badashaka kubona ibisubizo”.

Brad yongeye gusubiza Trump ashize amanga ati “nyakubahwa Perezida ufite abantu bashobora gutanga amakuru kandi natwe turabafite, ubwo rero bizajye mu rukiko rubifateho umwanzuro”.

Trump wasaga nk’umaze gushoberwa, yatangiye gutera Brad ubwoba, amubwira ati “murabizi ibyo mwakoze kandi ntimuri kubigaragaza. Icyo ni icyaha imbere y’amategeko kandi ibyo ntimwakwemera ko bibaho. Byaba ari ikibazo gikomeye kuri wowe ndetse na Ryan, umunyamategeko wawe”.

Nyuma y’iki kiganiro cyo kuri telefoni, impaka z’aba bagabo zakomereje ku mbuga nkoranyambaga, aho Trump yanditse ku rubuga rwa Twitter ko Brad “ntacyo azi” ku iyibwa ry’amatora yabaye muri Leta abereye Umunyamabahanga Mukuru. Brad nawe ntiyaripfanye kuko yasubizanye ingonga ati “nyakubahwa Perezida, mu cyubahiro nk’ugomba, ibyo uri kuvuga si ukuri. Ukuri kuzigaragaza”.

Ikiganiro cya Trump na Brad cyibukije ikindi kiganiro Perezida Trump yigeze kugirana na Perezida w’igihugu cya Ukraine, Volodymyr Zelinsky, ikiganiro cyari kinamukozeho kuko cyatumye atererwa icyizere n’abadepite n’ubwo ategujwe bigeze muri sena.

Hagati aho, Trump yitezwe muri Leta ya Georgia kuri uyu wa Mbere, aho ari buze gufasha abakandida babiri b’Aba-Republicains bari kwiyamamariza guhagararira iyo Leta muri Sena ya Amerika.

Baramutse batsinze, byatuma ishyaka rye rigira ubwiganze muri Sena ya Amerika, bityo bakabasha gutambamira Perezida Joe Biden mu byemezo batemeranywaho birimo ingamba z’uyu muyobozi mushya zo kuvuguruza ibyemezo byafashwe na Trump mu ngeri zirimo n’iz’imihindagurikire y’ikirere.

Mu gihe abakandida babiri b’Aba-Democrates batsinda aya matora yo muri Georgia, byahesha ishyaka ryabo kunganya imyanya n’Aba-Republique muri Sena ya Amerika (50 kuri 50), maze Visi-Perezida mushya w’icyo gihugu, Kamara Harris, akazaba ari we wemererwa gufata icyemezo cya nyuma ku ngingo zatorewe ku buryo bungana. Ibi byaha amahirwe Aba-Democrates kuko na Harris ari bo akomokamo, maze Biden akizera guhitisha ibyifuzo bye muri Sena kandi bigatorerwa mu buryo bworoshye, bityo akazageza ku Banyamerika ibyo yabemereye.

Hagati aho, hari abasenateri 12 bayobowe na Ted Cruz bamaze kuvuga ko batazemeza Joe Biden nka Perezida wa Amerika mu gikorwa gitegerejwe kuri uyu wa 6 Mutarama, bakavuga ko hakenewe ikindi gihe cyo gusesengura ibyavuye mu matora.

Iki cyemezo ariko biragoye ko cyahindura n’ubundi ko Sena ya Amerika yemeza Biden nka Perezida mushya, kuko hari umubare munini w’abandi basenateri bamaze kuvuga ko bazatorera iki cyemezo.

Biden azarahirira kuyobora Amerika kuri uyu wa 20 Mutarama, nyuma y’urugamba rukomeye rw’amatora yaburanywe mu nkiko inshuro 60 zose.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO