Search

Dore amwe mu mayeri abakobwa bakoresha iyo bishakira amafaranga kubakunzi babo(Kubakura ibyinyo)

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Burya murukundo haberamo byinshi,ushobora gukunda umuntu ukibwira ko nawe agukunda kandi mu byukuri atanagutekereza.

Iyo umuhungu akundana n’umukobwa bakagirana urukundo nyarwo burya biba biri mu nyungu za bombi. Iyo rero hagize umwe uca ku ruhande usanga wa mubano wangiritse ku buryo bugaragarira buri wese

Ibi ni bimwe mu bintu biza ku isonga bamwe mu bakobwa bashobora gukoresha mu gihe hari ikibazo bagiranye n’umuhungu bakundana cyangwa se akaba ari ukumutekaho imitwe ngo babashe kumukuraho imitungo cyangwa amafaranga. Ni ngombwa rero ko uba maso ugakoresha ubushishozi buhambaye kuko utabyitondeye wasanga utwawe tuhatikiriye cyangwa bikagutera kuzinukwa igitsinagore

  1. Ndatwite
    Abakobwa bakura ibyinyo bakunze kubeshya abasore ko batwite kugira ngo babone uko babasaba amafaranga yo kujya kwa muganga, cyangwa se kugira ngo babone uko bagura ibyo kurya kugira ngo umwana azakure neza. Iyo umusore adafite gahunda yo gufasha uwo yateye inda, akora uko ashoboye akamuha amafaranga yo gukuramo iyo nda. Hari abakobwa baka abasore amafaranga yo gukurishamo inda kandi badatwite.
  2. Tugiye gutandukana kuko utanyitaho
    Hari abakobwa babura aho bahera ngo babashe kubona amafaranga bifuza ku musore cyangwa umugabo bacuditse, maze bagahitamo kumubwira ko igisigaye ari ubutandukana urukundo rwabo rugasenyuka kuko ngo nta kintu gifatika umusore amukorera. Hari bamwe mu basore bahita barekura akayabo kugira ngo urukundo rudasenyuka.
  3. Ndarwaye nabuze uko njya kwa muganga
    Hari bamwe mu bakobwa babeshya abakunzi babo ko barwaye indwara nabo bayobewe iyo ari yo, bigatuma babasaba ubufasha bw’amafaranga ngo babashe kujya kwivuza kandi nyamara batarwaye. Iyo umusore abyumvise rero hari uhita amwoherereza amafaranga ngo ajye kwivuza, ayo akaba arayariye.
  4. Natakaje telefone yanjye
    Akenshi hari bamwe mu bakobwa babura ahandi bahera ngo babashe gukura amafaranga ku bakunzi babo, bagatira telefone bakabahamagara ngo bababwire ko telefone zabo zatakaye. Akaba abonye aho ahera agusaba ko niba umukunda koko wamufasha akabona indi. Nyuma wamara kumuha amafaranga yo kugura indi, akazakubwira ko iyambere yaje kuyibona.
  5. Nabuze amafaranga yo kwishyura inzu
    Hari abakobwa bamwe na bamwe bikodeshereza amazu, ugasanga igihe akeneye amafaranga, ariyambaza umukunzi we ngo amufashe kubona ayo kwishyura ubukode. Iyo bimaze kuba akamenyero hari ubwo umukobwa asaba umukunzi we amafaranga kandi ukwezi ko kwishyura kutaragera, ubwo akaba ayamukuyeho bitamuruhije.
  6. Mfite umushinga nshaka ko umfashamo
    Akenshi hari abakobwa babeshya abakunzi babo ko babonye imishinga yo gukora kugira ngo ibinjirize amafaranga. Akaba yabwira umukunzi we ko yamufasha kubona amafaranga kugira ngo ayashore muri uwo mushinga, akamwizeza ko azayamwishyura buhoro buhoro, kenshi birangira atayamwishyuye, maze akamubeshya ko yahombye.
  7. Nta mafaranga yo guhamagara mfite muri telefone
    Hari abakobwa bakunda gusaba cyane abakunzi babo amafaranga yo kwifashisha mu guhamagara, kandi atari cyo ayashakira, cyangwa yanayabona akayakoresha mu guhamagara abandi batari umukunzi we. Hari bamwe mu basore baba barashyizwe n’abakunzi babo b’abakobwa ku kamenyero ko kubagurira amakarita yo guhamagara ya buri munsi, ugasanga mu kwezi hagenda akayabo.

Aya ni amayeri akunze gukoreshwa n’abakobwa bakura ibyinyo ku basore bakundana kugira ngo babakureho ibyo bararikira, gusa akenshi ibyo bijyana n’umuco wamamaye wa “Mpa nguhe” kuko abasore nabo akenshi baba bishakira kuryamana n’abakobwa b’inshuti zabo, bikaba byatuma atitangira mu kurekura amafaranga kuko aba yibwira ko hari aho ari buyagarurize.

 

Richard [email protected]

 

Comments

comments




Leave a Reply

Your email address will not be published. Required fields are marked *