Search

Dore bimwe mu biribwa bituma umutima ubasha gukora neza

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umutima utera amaraso ukayohereza mu bice byose bigize umubiri kandi amaraso akaba agendamo ibintu nkenerwa mu ngingo zose z’umubiri harimo umwuka wa oxygen duhumeka ndetse n’izindi ntungamubiri zitandukanye zituruka mu mafunguro.

Umutima kandi ufasha mu gusohora imyanda mu mubiri, ukayijyana aho igomba gusohokera nko mu bihaha, impyiko, mu ruhu n’ahandi henshi hatandukanye inyuze mu maraso.
Mu maraso kandi habamo abasirikare barinda umubiri indwara zitandukanye, bityo umutima ukagira uruhare rukomeye mu ikwirakwizwa ryabo.

Dore_bimwe_mu_biribwa_bituma_umutima_ubasha_gukora_neza

Abahanga bavuga ko kurya ibiryo by’umwimerere bituma umutima umererwa neza kandi bikawurinda gufatwa n’indwara zitandukanye kuruta kurya ibiryo byo mu nganda bigaragara hirya ni hino mu maduka nk’umuceri n’ibindi.
Ibi ni bimwe mu biribwa bifasha umutima kumererwa neza kandi ukabaho igihe kirekire nk’uko inzobere mu by’ubuzima zibitanagaza.

1.Epinari

Epinari ni imboga nziza cyane, ziri mu bwoko bubiri bwonyine bw’imboga bubonekamo ibyo bita “coenzyme Q10”, twavuga ko ari intungamubiri zikomeye zituma umutima ukora neza ndetse zikawurinda kuba wakwangirika.Muri izi mboga kandi habonekamo izindi ntugamubiri nka “antioxidant, potassium vitamin, acide foilc, betaine n’izindi.

2. Ibinyamisogwe

Ibinyamisogwe nk’ibishyimbo, bikungahaye cyane ku ntungamubiri zirimo ibyubaka umubiri nka calcium, fer, na potassium, by’umwahariko bikagira amavuta make. Iki kikaba kimwe mu bushobozi byibitseho bwo kurinda umutima indwara zitandukanye zikomoka ku mavuta menshi agira ingaruka mbi mu mikorere yawo.

3. Amafi ya salmon

Aya mafi aboneka mu biyaga n’imigezi bifite amazi akonje. Akungahaye cyane kumavuta ya omega akanarinda indwara z’umutima.

4. Ubunyobwa

Ubunyobwa burimo intungamubiri nyinshi zirimo amavitanimi atandukanye, amavuta meza akenewe n’umubiri, kandi akagabanya andi mavuta mabi mu mubiri nka cholesterol, ashobora gutera indwara z’umutima ndetse akaba yaziba imitsi y’amaraso.

5. Ibijumba bitetse

Usibye kuba ibijumba abenshi bahamya ko ari ikiribwa cyiza ndetse ngo bikaba binaryoha, ngo birimo intungamubiri zitandukanye nka vitamine A, C na E. Bigira kandi Beta na Carotene zirinda indwara zitandukanye harimo n’indwara z’umutima.

6.Tungurusumu.

Tungurusumu zigira uruhare rukomeye mu guhagarika kwiyongera k’umuvuduko w’amaraso ndetse zikagabanya cholesterol mu maraso. Zirinda indwara z’umutima kandi zigatuma umutima umererwa neza.

7. Chou fleur

Chou fleur ni mboga zigirira umutima akamaro, wazirya ari mbisi cyangwa zitetse. Nibwo bwoko bwa kabiri bw imboga nyuma ya Epinari, bubonekamo intungamubiri zitwa coenzyme Q10, zirinda umutima uburwayi butandukanye, zikanawurinda kwangirika.Muri Chou fleur kandi habonekamo izindi ntungamubiri zitandukanye nka Vitamin C,Acide folic, calcium, ndetse na beta carotene.

Ibindi biribwa byatuma umutima wawe umererwa neza harimo Lentilles, imboga zitwa Asparagus n’imbuto z’inkeri.

 

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.