Search

Dore byinshi utari uzi kuri bollywood ifatwa nk’uruganda rwa cinema mu buhinde

IBM Radio Listen Live

KANDA HANO UREBE VIDEO

Ijambo Bollywood ni izina rihabwa uruganda rukora Cinema mu Gihugu cy’Ubuhinde.Inkomoko yo kwita cinema y’abahinde bollywood kandi  biva kuri cinema ya Amerika yitwa Hollywood. Ubusanzwe amateka ya cinema mu buhinde afite inkomoko mu mujyi wa Bombay iyi yaje guhindurirwa izina ikitwa Mumbai .Mumbai kuri ubu ifatwa nk’umurwa w’ubucuruzi w’ubuhinde Mumbai kandi iza ku mwanya wa kane mu mijyi ituwe n’abantu benshi ku isi dore ko ituwe na Miliyoni zisaga 200.

Cinema y’Ubuhinde ni imwe mu nganda zigorana kuzamuka mu gihe udafite umuntu muziranye cyangwa wo mu muryango wawe ukora muri yo, ndetse kimwe n’ahandi hose ku isi ruswa ishingiye ku gitsina ifasha abakobwa b’abahinde kuzamuka muri iki gice .Gusa ingero z’Abakinnyi ba filimi bizamuye muri iyi cinema zirahari, akenshi byaturutse ku kuntu bari bakunzwe n’urubyiruko , urugero nka  Shahrukh Khan na  Akshay Kumar

Bollywood iyo ushaka kuyisobanura bigusaba kuyigabanyamo ibice bitatu aribyo:

Golden age (1940-1960)

Classic Bollywood (1960 -1990)

New Bollywood (1990 kugeza magingo aya)

Mbere  gato yuko dutangira kubasobanurira ibi bice bigize Bollywood,  hari ikindi gice nacyo cyakabaye kiza muri ibi ariko ntabwo kirimo, cyitwa Early Age iki gice cyo nticyamenyekanye cyane kuko cyabangamiwe bikomeye  n’abakoloni b’Abongereza cyabayeho kuva mu (1910–1940). Iki gihe kandi nibwo hasohotse filimi yitwa Raja Harishchandra (1913), ya Dadasaheb Phalke, Uyu Dada saheb kugeza ubu bamwita umubyeyi wa Bollywood(Father of Bollywood)

Golden Age (l1940–1960)

Iki ni igice cyakurikiye Ubwigenge bw’Ubuhinde ,iki gice kigaragaramo filimi zakinwe zigaragaza ububi bw’ubukoloni, dore ko Ubuhinde bwari bumaze imyaka itari mike munsi y’ubutegetsi bwa Abongereza. Filimi zagiye zikundwa murii iki gihe twavuga nka Pyaasa (1957) na  Kaagaz Ke Phool (1959) zose zayobowe na  Guru Dutt .

Muri iki gihe kandi nibwo filimi yitwa Mehboob Khan‘s Mother India (1957), yashyizwe  hanze , bidatinze iza kuba filimi ya mbere itoranijwe muri filimi zizahatinira igihembo mpuzamahanda , dore ko yari ikinnye mu rurimi rw’Icyongereza.

Bamwe mu bakinnyi bakomeye bagaragaye muri iki gihe twavuga nka Kumar na Nassib. Kumar we yaje kugira uruhare mu kwinjiza abakinnyi bakomeye muri Cinema nka Amitabh BachchanNaseeruddin ShahShah Rukh Khan na  Nawazuddin Siddiqui.

Classic Bollywood (1970–1980)

Iki gice bisa naho aricyo gice cyari kigiye kugaragariza amahanga yose ubushobozi n’ubumenyi bw’abahinde. Mu mateka yigaragarije muri iki gihe , harimo kuvuka kw’abakinnyi bibyamamare kuri ubu, nka Salim-Javed,  Salim Khan. Muri iki gihe kandi ntawakwirengagiza akazi gakomeye kakozwe n’umugabo Amitabh Bachan. Muri iki gihe bivugwa ko hasogotse filimi zisaga 400.Gusa iki gice cyasigiye isura nshya Cinema y’Abahinde ,dore ko ibyamamare byinshi tuzi muri cinema y’Ubuhinde byari bimaze kumenyekana, muri abo twavuga nka   Mithun ChakrabortyNaseeruddin ShahJackie ShroffSanjay DuttAnil Kapoor ndetse na  Sunny Deol.         Muri iki gihe kandi ntawakwirengagiza ko Kuba abakobwa babahindekazi barigaruriye imitima ya benshi , dore ko no kugira ngo Iyi Cinema imenyekane byaciye mu masura meza yaba bakobwa , ku isinga harimo :Hema MaliniJaya BachchanRaakheeShabana AzmiZeenat AmanParveen BabiRekhaDimple KapadiaSmita PatilJaya Prada na Padmini Kolhapure.

New Bollywood (1990s–Kugeza ubu )

Kugeza mu mwaka w’1990 , cinema y’ubuhnde yari imaze gufata indi sura nk’ishobora guhangana ku ruhando mpuzanahanga.Kuva ubwo nibwo abanditsi ba Filimi mu Buhinde bakoze inama maze bemeza ko bagomba gushaka umwihariko uzabatandukanya n’ibindi bihugu. Kuva ubwo nibwo bemeje ko bagomba kwandika filimi zishingiye cyane ku nkuru z’urukundo. Bidatinze filimi z’urukundo zitangira gusohoka muri zo twavuga nka Hum Aapke Hain Kaun (1994), Dilwale Dulhania Le Jayenge (1995), Raja Hindustani (1996), Dil To Pagal Hai (1997), Pyaar To Hona Hi Tha (1998) na  Kuch Kuch Hota Hai (1998).

Muri iki gihe naho haje isura nshya y’abakinnyi ba filimi  baramenyekana karahava muri bo tuvuge nka  Aamir Khan, Aditya PancholiAjay DevganAkshay KumarSalman Khan (Salim Khan Umuhungu wa Salim Khan  umwe mu bafatwa nkabaremye Holly Wood) na  Shahrukh Khan.

Hrithik Roshan umwe mu bastar bakomeye muri Bollywood akaba ndetse ari umwe mu bantu watunze akayabo muri cinema y’Ubuhinde

Muri iki gihe noneho kuko cinema yari imaze kuzamo amafaranga , abakobwa bose babaga batwaye ikamba rya nyampinga batangiye kuza muri Cinema , kuva ubwo nibwo twaboye ubwiza bwihariye bw’abakobwa b’abahindekazi nka   Madhuri DixitSrideviJuhi ChawlaMeenakshi SeshadriManisha KoiralaKajol, na Karisma Kapoor.

Ahagana mu mwaka 2000, Cinema y’ubuhinde yahinduye isura maze ,filimi z’ibikorwa ndetse  n’izisekeje ziza ku isonga , muri iki gihe nibwo umwanya mwiza wo kwigaragaza kw’abasore nka GovindaSunny DeolSunil Shetty, Akshay Kumar, na Ajay Devgan wari ugeze.

Muri iyi myaka ninabwo kandi twabonye  abakinnyi ba filimi   b’abagore nabo baza mu ruhando rwo kwinjiza amafaranga nk’abahungu, muri aba twavuga nka Raveena TandonTwinkle KhannaSonali BendreSushmita SenMahima Chaudhary na  Shilpa Shetty.

Hejuru y’umwaka wa 2000, hongeye kugaragara filimi ziganjemo urikundo muri zo twavuga nka Kaho Naa… Pyaar Hai (2000), Gadar: Ek Prem Katha (2001), Lagaan (2001), Koi… Mil Gaya (2003), Munna Bhai M.B.B.S. (2003), Rang De Basanti (2006), Lage Raho Munna Bhai (2006), Dhoom 2 (2006), Krrish (2006) na Jab We Met (2007) .

Priyanka Chopra umwe mubakobwa batunze akayabo muri cinema y’Abahinde ndetse akaba yaranabaye nyampinga w’Ubuhinde muri 2013

Muri iki gihe nabwo twongeye kubona abandi bakinnyi bamenyekana nka Arjun RampalHrithik RoshanAbhishek BachchanVivek OberoiShahid Kapoor na John Abraham.Muri iyo myaka kandi abakobwa nka  Aishwarya RaiRani MukerjiPreity ZintaAmeesha PatelLara DuttaBipasha BasuKareena KapoorPriyanka Chopra na Katrina Kaif barigaragaje cyane.

Kugeza kuri ubu , Cinema y’Abahinde niyo      Ambasador w’umuco wabo hirya no hino ku isi ,kuko abenshi bamenye ko Abahindu bizerera muri boudha   babikesheje Filimi z’impinde.

Nubwo Filimi z’impindi zitigeze zivugwaho rumwe , gusa icyo twakwemeza ni uko Ubuhinde  bumaze kugira aho bugera , kuko filimi zahakorewe z’agiye zegukana ibihembo , nko muri Grammy Award , na Britain Movies awards bitangirwa mu Bwongereza. Mu rutonde rwasohowe na Forbes magazine mu mwaka w’2014 rwashyize Shahrukh Khan ku mwanya wa Mbere mu bakinnyi bakina filimi  bakize ku isi dore ko muri uwo mwaka yari afite akayabo k’amadorari miliyoni 600.

Mu gusoza iki cyegeranyo reka  mbagezaho urutonde rw’abakinnyi 10 ba Cinema y’ubuhinde bakize kurusha abandi ndetse n’abagore 10 bakize kurusha abandi muri iyi Cinema.

Abakinnyi b’abagabo(actors)

Hrithik Roshan: atunze miliyoni $45

Irrfan Khan: atunze miliyoni $50

John Abraham: Miliyoni $55

Ranbir Kapoor: Afite Miliyoni $66

Dharmendra: Atunze miliyoni $70

Akshay Kumar: Afite miliyoni $180

Aamir Khan: atunze miliyoni $185

Salman Khan: Atunze miliyoni S200

Amitabh Bachchan: Afite miliyoni $402

1.Shah Rukh Khan: Afite miliyoni $600

Abakinnyi b’abagore(actress)

Priyanka Chopra: afite $8

Mallika Sherawat: Afite miliyoni$10

Karisma Kapoor: atunze miliyoni $12

Ileana D’Cruz:Atunze miliyoni $14

Kajol Devgan: Atunze miliyoni $18

Amrita Rao: atunze miliyoni $20

4.Deepika Padukone: Atunze angana na miliyoni $20

Preity Zinta: Atunze miliyoni $30

Ameesha Patel: atunze asaga miliyoni $30

Aishwarya Rai Bachchan: Afite miliyoni $35

 

Richard [email protected]

Comments

comments




Leave a Reply

Your email address will not be published. Required fields are marked *