Search

Dore ibimenyetso bigaragaza umuntu utagiha umwanya umukunzi we nk’uko yari asanzwe awumuha

IBM Radio Listen Live

KANDA HANO UREBE VIDEO

Iyo ufite umukunzi uguhora hafi kandi akaguha umwanya uhagije mu buzima biba ari ikintu cyiza cyane kandi gituma urukundo rukomera, nk’uko abenshi babivuga urukundo ni ikintu cyo kwitondera kandi kigomba guhabwa agaciro gakomeye kugira ngo abakundana barusheho gushimangira umubano hagati yabo.

Iyo urukundo rutangiye kuzamo agatotsi, nicyo gihe usanga abakundanaga basigaye bitana bamwana cyangwa umwe muribo adatinya kuvuga undi nabi. Hari ibimenyetso bitandukanye bishobora kukugaragariza ko umukunzi wawe atakikwitaho cyangwa atakigukeneye mu bizima bwe.

Ikoranabuhanga naryo ryabaye gitera mugusenya umubano

Menya bimwe muri byo Ibyamamare.com byateguye kubagezaho ubungubu ndetse nawe ibyo waba warushaho gusangiza bagenzi bawe ntakabuza wabyandika mu mwanya wagenewe ibitekerezo.

  1. Guhora ku mbuga nkoranyambaga.

Mu isi ya none dusigaye twita iya kijyambere bitewe n’ubumenyi n’ikoranabuhanga bigenda bitera imbere ndetse bikazana n’ibyabyo bitandukanye. Telephone ngendanwa ni imwe mu nzira ikoreshwa kuri izi mbuga nkoranyambaga, hari igihe rero bamwe bazihugiraho bikabije bakaba bakwibagirwa n’izindi nshingano basanganwe, yego telefoni zakubaka ariko iyo zinakoreshejwe nabi zirasenya. Nubona rero umukunzi wawe atangiye kujya ahinduranya imibare y’ibanga buri kanya, igihe kinini akihorera ku mbuga nkoranyambaga ndetse ukabona asigaye akunda gushyiraho amafoto ari wenyine, rimwe na rimwe ukumva yivugisha ko atagira umugabo/umugore cyangwa inshuti, aha uzatangire kumugenzura neza ntiwamenya neza ikibyihishe inyuma.

  1. kwihindura uwundi cyangwa agahindura inyambaro.

Nubana n’umukunzi wawe igihe kitari gito ukabona rwose mumeranye neza ndetse ukaba umumenyereye mu dushya ndetse no kwambara ibintu bitandukanye nyamara nyuma ukabona atangiye guhinduka mu migenzereze no myambarire rimwe na rimwe ibyo azi ko utanakunda ukabona aribyo yibandaho, aha uzamenye ko nta kindi ugomba gukora atari ukumuba hafi no kumukurikirana kuko ibyo ni bimwe mu bimenyetso bikwereka ko atakiguha agaciro.

  1. Kwigira ntacyo bimbwiye/indakoreka/intabwirwa.

Ubusanzwe umuntu wese waguye mu ikosa biramubangamira ndetse akanagira ipfunwe ry’ibyo yakoze, ibi bigaterwa nuko aba yumva yigaye koko cyane cyane mu maso y’abamubona ku mukunzi we bikarusha.Hari igihe rero uzabona umukunzi wawe atangiye kujya akora ibyo yishakiye yewe n’ibyo akoze bidahwitse ukabona ntacyo bimubwiye mu maso yawe, aha nta bandi bagabo ukeneye nta mukunzi ugifite uri kuvomera mu gitobotse ufate ingamba.

  1. Kugabanya imishyikirano.

Burya ku bakundana nta kintu cy’ingenzi nko gushyikirana kenshi mugasangira amakuru n’ibitekerezo. Kuko uyu mubano niwo utuma mukomera kandi mukumva mwisanzuranyeho nyabyo. Nubona umukunzi wawe rero atakivugisha, mwaba mwicaranye mukabura icyo muganira, cyangwa se rimwe narimwe kukubonera umwanya ngo mufate akanya mwicarane muganire ukabona bimugora, wikwirirwa ubaza byinshi rwose umufite utamufite yarigendeye nuko ataragusezera.

  1. Gukoresha telephone rwihishwa.

Telefoni ngendanwa zigira umwanya munini mu gusenya inkundo z’abantu nubwo zishobora no kubaka zikoreshejwe neza mu buryo bukwiye kandi mu gihe cyiza. Hari ubwo rero uzabona urikumwe n’umukunzi, afate telefoni ayishyire kure, nahamagarwa murikumwe ntapfe kwitaba, nanitaba ajye kwitabira hanze cyangwa mu bwiherero, wenda se nanitabira imbere yawe ubone atisanzuye. Nyamara mwatanduka ukabona rwose yitaba bwangu, iki nacyo ni ikimenyetso cy’uko hari ibyo agukinga kandi atakikwizera.

Iyo hari kimwe muri ibi bimenyetso cyatangiye kugaragara mu rukundo, gishobora gutera ingaruka yo gutandukana hagati y’abakundana.

KWIZERA Juvenal-Ibyamamare.com

Comments

comments




Leave a Reply

Your email address will not be published. Required fields are marked *