Search

Dore ibintu 5 bizagufasha kuryoherwa n’urukundo igihe ukirwinjiramo kandi ushaka kururambamo

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Ubusugire bw’urukundo rwawe bugira ireme bitewe n’umusingi waruhaye. Uburyo utangiyemo umubano n’uwo mukundana ni indorerwamo y’igihe umubano wanyu uzamara ndetse niba muzahirwa.

Birashoboka cyane ko uburyohe umuntu yumva agitangira umubano n’uwo bakundana, byamutera gukora amakosa ashobora kwangiza ubusugire bw’urukundo rwabo mu gihe kiri imbere.

Urukundo rwa benshi ntiruramba bitewe nuko batangiye nabi. Aha hari ibintu 5 ugomba kuzirikana ugitangira urukundo:

1.Ba uwo uri we

Abenshi bakunda kwibeshya ko kugira ngo wigarurire umutima w’uwo mugitangira gukundana, ari ukwifata uko utari ukirarira, nyamara ibi sibyo ahubwo byaganisha urukundo rwanyu mu mwijima.

Ese niba umukunzi wawe atagukundira uko uri, ni iyihe mpamvu yatuma ujya mu rukundo nawe? Nta kiza mu rukundo nko gukundirwa uko uri.

2.Guhamagara umukunzi wawe inshuro 30 siyo turufu

Kuba ukinjira mu rukundo ntibivuze ko ugomba kujya uhamagara uwo mukundana muri munota. Cyakoze ibi byabaho mugihe uwo mukundana agusaba ko umuba hafi muri ubwo buryo. Naho ubundi, ugomba gutwara ibintu gahoro.

3.Ba umunyakuri

Mu gihe utangiye umubano n’umukunzi wawe umubeshyabeshya, menya ko urukundo rwawe uri kuruganisha mu muriro utazima. Ukuri nyakuri kugomba kukuranga kandi ukagendera kure ikintu cyose cyatuma ubeshya umukunzi wawe.

Burya mu ntangiriro z’urukundo, ibyo ukora byose biba ari umusingi w’igihe kiri imbere. Mbese umusingi w’uwurukundo rwawe wubakiye ku kinyoma waramba utarahirima?

4.Gira ukwizera

Nutangira urukundo utizera uwo wihebeye umubeshya ndetse unamucabiranya, menya ko utangiye urukundo nabi kandi ntagihe ruzamara. Nubona kwizera umukunzi wawe no kumubwiza ukuri byakunaniye, fata icyemezo uhagarike uwo mubano kuko urwo rukundo si urwawe.

5.Baza icyo udasobanukiwe ku mukunzi wawe, ntukagenekereze

Kutamenya neza ibyo udasobanukiwe kuwo mukundana maze ukajya ugenekereza, ibyo bishobora gutuma wibeshya bityo bikaba byashyira urukundo rwanyu ahabi. Baza umukunzi wawe icyo udasobanukiwe.

Ku rundi ruhande, ni byiza ko nawe wimbwira neza umukunzi wawe ukirinda ko ahera mu rujijo ku bintu wakabaye umubwira. Ibi bizakubera inkingi ikomeye cyane mu kubaka ukwizerana gukomeye n’umukunzi wawe.

 

Richard [email protected]

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.