Search

Dore ibintu bya ngombwa mu rukundo byafasha abakundana guhorana akanyamuneza!

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Akenshi usanga abantu iyo bagikundana biba bishyushye , mbese aho buri wese aba yumva undi adahari ntabuzima. Ni byiza kuko uwo ukunda aguhora hafi mugahora mwishimana kandi munezerewe.

Mu buzima urukundo ni ingenzi, kandi umuntu akunda kugirango anezerwe, si ukugirango ashengurwe n’agahinda nk’uko bigaragara mu ngo nyinshi muri iyi minsi no hagati y’abakundana batararushinga.

Hagati aho ariko hari icyo wakora kugirango wirinde bene ako gahinda ushobora guterwa n’uko umukunzi wawe yakuretse , wirinda sinamenye hakiri kare.

1. Ni ngombwa ko abakundana bagomba kuganira uko biyumva mu mubano bafitanye:

Niba hari icyo umwe akora kigushimisha cyangwa kitagushimisha, mukakiganiraho, ntihagire uhisha uko yiyumva. Ibi ntabwo bivuga gushwana no kurakaranya, ahubwo ni ukugirana ikiganiro cyubaka kandi cyubahana, kugira ngo buri wese akosore ikitagenda.

2. Ni ngombwa ko abakundana bagomba gushyigikirana:

Ibi ni ngombwa cyane ku bantu bakundana, kwereka uwo mukundana ko uhari, umwumva, ushima cyangwa ushimishwa n’ibyo avuga cyangwa akora . Ibi bituma yumva ko wahamubera aramutse agukeneye.

3. Ni ngombwa kumenya gutetesha:

Gutetesha ntabwo byari bikwiye guharirwa abana gusa, buri wese kuri iyi si ashimishwa nuko yitaweho , uwo mukundana ugomba kumutetesha ukamuha umwanya wihariye kugira ngo umushimishe, niba hari icyo akunda ukakimukorera.

4. Ni ngombwa gushima no kumenya ibyiza biri ku muntu:

Byaba ku mubiri cyangwa n’ibindi akora byagushimishije, niba ari mwiza cyangwa yambaye neza, ukabimubwira, haba hari icyo yagukoreye cyiza nabwo ukabimubwira ukanabimushimira, ibi bituma umuntu yumva ko akunzwe kandi ashimwa n’uwo bakundana.

5. Ni ngombwa guhana umwanya:

Ibi bishatse kuvuga ko nk’iyo muhorana buri munsi, ni byiza ko buri wese abona umwanya we wihariye ahura n’inshuti ze. Buri wese akizera undi, mugahitamo umunsi cyangwa inshuro buri wese azajya afata umwanya wo kuba ari kumwe na bagenzi be cyangwa gukora ibindi akunda.

6. Ni ngombwa gukora ikibashimisha mwembi nk’abakunzi:

Gushaka ikintu kibahuza mwembi kandi mukunda ni ngombwa, byaba kujyana gusenga, gutemberana, kurebana films, gukorana sport runaka, kujyana muri massage, n’ibindi n’ibindi…

Ibi bituma mufata umwanya wo gukora ikibahuza kandi kibashimisha mwembi. Ibi byose hamwe n’ibindi bizagufasha kwiyubakira umunezero mu rugo iwawe.

Ku basore n’inkumi batararushinga , nimwumvireho, kuko kwita kuwo ukunda bitagarukira igihe mwarambagizanya gusa, ahubwo bikwiye kuba iby’akaramata kugirango umunezero uganze iwanyu

MUHIMPUNDU Chantal

Comments

comments




Leave a Reply

Your email address will not be published. Required fields are marked *