Dore ingamba Crezzo G abona zamufasha kwamamara muri Muzika Nyarwanda

Habimana Samuel n’umuhanzi Nyarwanda ukoresha amazina ya Crezzo G Samuelo mu muziki yavukiye mu karere ka Rusizi yatangiye ibikorwa by’ubuhanzi mu mwaka wa 2010 afite indirmbo 18 kur’ubu abarizwa munzu itunganya Muzika yitwa Ingenzi mu mujyi wa Kigali.

Mu ndirimbo 18 uyu muhanzi amaze gushyira hanze atangaza ko 10 muri zo arizo abona zahangana kw’isoko rya muzika haba mu Rwanda ndetse no muri East Africa dore ko anyuzamo akaririmba no mu ndimi z’amahanga ibintu yizera ko hari itafari bishyira kuri muzika ye.

N’umuhanzi umaze imyaka itari micye mu muziki Nyarwanda Ibyamamare.com twamubajije impamvu izina rye ridashashagirana mu ruhando rwa Muzika Nyarwanda.

Muri rusange ikibazo n’amikoro macye,muri iki gihe usabwa gukora umuziki ufite quality nziza, ukayikorera amashusho meza ndetse na promotion, iyo nta mikoro ahagije rero, ukaba nta n’abantu ufite bagufasha mu bikorwa byawe ngo bashoremo ubushobozi bw’amafaranga, bituma umuntu adatera imbere cyane ngo yamamare ku rwego rushimishije.”Crezzo G Samuelo

Crezzo G Samuelo har’uburyo abona izi mbogamizi ahura nazo zaranduka nicyo yakora ngo ziveho

“Icyo nteganya ku bikoraho ni ugukomeza gukora ibihangano bifite ireme n’umwimerere, gushaka abafatanyabikorwa no kugerageza ku bigeza kure mu buryo butandukanye kandi nizera ko bizacamo”

Mu rwego rwo gukomeza kwubaka ibikorwa bye bya Muzika Crezzo G yakoze indirimbo nshya yitwa “Urihariye” yakoranye n’umuhanzikazi Nyarwanda uri gutangira muzika witwa Milqua Lee

N’indirimbo y’urukundo Crezo G avuga ko yakoreye abakundana yerekana abantu bakundana bishimanye uburyohe nyabwo bw’urukundo ari nayo mpamvu yiyambaje uyu muhanzikazi mushya Milqua kugira ngo barusheho gutambutsa ubutumwa neza,indirimbo yizera ko izashyira itafari ku iterambere rya muzika ye.

Asoza ikiganiro na Ibyamamare.com yagize ubutumwa yahariye abakunzi ba Muzika Nyarwanda

“Nasoza nsaba Abanyarwanda muri rusange by’umwihariko abakunzi ba Muzika gushyigikira impano zitandukanye z’abana b’u Rwanda baba abo bazi cyangwa batazi kuko iterambere rya mugenzi wawe nawe aba ari iryawe mu buryo bumwe cyangwa ubundi.”Crezzo G Samuelo

Umva hano indirimbo nshya ya Crezzo G Samuelo afatanyije na Milqa Lee bise Urihariye

 

Tanga Igitekerezo ukoresheje Facebook

SHARE