Dore ingingo 9 zishobora ku kwereka incuti yawe nyakuri

IBM Radio Listen Live

KANDA HANO UREBE VIDEO

Mu buzima sibyiza ko ubaho wenyine, uba ugomba kugira incuti ndetse nawe ukaba incuti y’abandi. Igikomeye muri ibyo nukumenya incuti yawe nyakuri kuko ni kenshi tubona abahemukirwa nabo bitaga incuti zabo ndetse n’abandi bakagera ku bintu bikomeye babikesha kugira incuti nziza.Ntibyashoboka ko ureba mu mutima w’umuntu ngo umenye nimbi akuryarya cyangwa koko ari inshuti yawe by’ukuri, ariko hari ibyo ushobora kurebesha amaso bitewe nuko musanzwe mubana ukaba wakwizera ko arinshuti yawe nyakuri.

Urubuga Elcrem nyuma y’ubushakashatsi rwako rwakusanyije izingingo 9 nka bimwe mu bintu bishobora ku kugaragariza ko koko uwo uzibonyeho ari inshuti yawe nyakuri.

  1.  Akuba hafi mu bihe byiza no mu bibi

Inshuti nziza irangwa no kuboneka yaba mu byiza no mu bibi, cya gihe abantu bose bashobora gucika intege mu gihe umuntu ari mu kibazo, wowe iyo ugize kwihangana ukaba uhari, bituma uwo muntu agufata nk’inshuti ye y’inkoramutima.

  1. Kudahindagurika

Kuba uri umuntu ugumye hamwe kandi utagira guhindagurika biri muri bimwe mu bituma abantu bakugirira icyizere. Abantu bashobora kuba inshuti nawe ariko babona uri umuntu wikoza hirya no hino, uharara ibintu bimwe na bimwe ejo ukaba wabihaze, bigatuma bibwira ko no mu bucuti ushobora guhindagurika.

  1. 3. Agutega amatwi

Ubucuti ahanini bushingira ku bihuza abantu ndetse n’ibyo baganira. Niba inshuti igukeneye kandi ishaka ko uyitega amatwi ntikubone ariko wowe igihe ukeneye ugutega amatwi ukayisanga uyigaragariza ko uyikeneye cyane, bituma ikubonamo kwikunda.

  1. Akubwiza ukuri

Nta muntu wifuza kubeshywa, niyo mpamvu mu bucuti kubwizanya ukuri nabyo ari ngombwa cyane iyo inshuti imenye ko uyibeshya, icika intege kandi uba uyihaye impamvu yo kutazongera kukwizera.

  1.  Ntahemuka

Kuba indahemuka harimo kutamena amabanga, kudakora ibyaribyo byose byababaza inshuti yawe mu buryo buremereye ku buryo yakuvanamo umutima.

  1. Akugira inama akanagushyigikara

Kuba inshuti si ukuvugana gusa no kugendana, ahubwo harimo no kugarura mugenzi wawe igihe agiye mu nzira idakwiye, kumugira inama z’ubuzima ndetse no kumushyigikira igihe afite igitekerezo runaka cyangwa akeneye ubufasha runaka.

  1. Ntahindurwa n’ibihe, ubukire cyangwa ubukene

Hari abantu baba ari inshuti nziza ariko umwe yahindura imibereho, agakira cyangwa agakena, ubucuti bugahita burangirira aho. Ni byiza rero kuguma hamwe n’ubwo ibihe byahinduka ntuhindukane nabyo, bituma ugumana inshuti zawe.

  1. Kutakubikira inzika

Nibyo koko nta zibana zidakomanya amahembe, kubika inzika z’ibyahise bishobora kukumaraho inshuti mu gihe ibyo mwapfuye bidafite agaciro karuta ubucuti mwari mufitanye.

  1. Ntakugirira ishyari n’urwango

Mu bucuti, ni byiza kwirinda kugirira mugenzi wawe ishyari, igihe yageze ku kintu wowe utari wageraho, ni byiza kubyishimira ndetse no gukomeza kumwereka ko muri kumwe, kuba wababazwa n’uko inshuti yawe hari aho igeze wowe utarahagera.

 

 

Ivan Heritier

1,851 total views, 43 views today

Comments

comments




Leave a Reply

Your email address will not be published. Required fields are marked *