Search

Dore ubuhamya bwa Harun Ahmed wagurishijwe nk’umucarakara bwakoze benshi kumutima

IBM Radio Listen Live

KANDA HANO UREBE VIDEO

Harun Ahmed w’imyaka 27 y’amavuko n’umwe mu bihumbi n’ibihumbi by’abasore bo muri Ethiopia bagerageje gufata urugendo rurerure baciye mu butayu bwa Sahara , berekeza mu majyaruguru ya Afurika agamije kugera ku mugabane w’Uburayi Ahmed yagurishijwe inshuro zirenga ebyiri zose.

Harun Ahmed w’imyaka 27 avuga ko yabaye umucakara igihe kigera kumyaka 2,gusa ubu ngo akaba ataje mu mutekano usesuye mu igihugu cy’Uburayi

Aganira na BBC dukesha iyinkuru,Harun yasobanuye inzira y’umusaraba abacuruzwa nk’abacakara bahura nayo.Yagize ati”Navukiye mu gace ka Agarfa mu karere ka Bale mu ntara ya Oromia mu gihugu cya Ethiopia.

Navuye muri Ethiopia njya mu gihugu cya Sudani mu 2013.

Nyuma yo kuba muri icyo gihugu umwaka umwe n’amezi atari make, natangiye urugendo rwo kujya muri Libya ndi kumwe n’abandi- twishyuye amadolari 600 buri wese tuyaha abantu bari badutwaye.

Ni urugendo rwadutwaye iminsi 6 turi mu nzira.Tugezeku mipaka ya Misiri Tchad abadutwaye bagendaga bagurana bamwe muri twe bakishyurwa amafaranga. Twahuye n’ingorane nyinshi mu nzira.

Hari abantu bitwaje  intaro bari barashyiriweho kwica ugerageje gutoroka , bishyurwaga n’abadutwaraga batujyana.

Tugeze ku mupaka wa  Tchad twatewe n’abantu tutazi batwambutsa muri Tchad , aho twamaze iminsi 2 mu nkambi bari badushyizemo.

Harun yavaga iwabo muri Ethiopia yerekeza mu igihugu cy’Ubutariyani

Muri iyo nkambi harimo abantu benshi biganjemo Abarabu ndetse n’abavuga urwo rurimi.

Nyuma yaho gato batumijeho imodoka maze bishyuza bamwe muri twe , umuntu ufite amadirali 4000, akaba ari we winjira muri iyo kamyo.

Birumvikana ko abatishoboye bahitaga bafata iya amaguru bakagenda.

Ushobora kwibaza uti se ko nta madorali twari dufite byagenze bite?,Twahise twigira nkaho twese tuyafite twinjira muri iyo kamyo twese.

Nyuma tugenda indi minsi itatu yose ntakurya kugeza tugeze mu karere kari karagenewe abimukira.

Abari badufashe batubwiye ko bari batuguze amadolari 4.000 umwe umwe ko nitutayishyura tudashobora kurekurwa.

Imwe mu mirimo impunzi zikoreshwa y’ubucakara mu gihugu cya Libya

Muri ako gace twahasanze abandi bimukira bo muri Somalia na Eritrea bari bamaze ngaho amezi atanu.

Bari barabayeho mu buzima bubi cyane kuburyo natwe twabarebye tukabagirira imbabazi.

Badutegetse kunywa amazi ashushe avanzemo peterori kugirango badutere ubwoba tubishyure ayo madorali.

Gusa bamwe  muri abo bimukira twahasanze bohererejwe amafaranga n’imiryango yabo barabaretse baragenda.

Njewe n’abandi bantu 32  twahamaze iminsi 80  twarabuze ayo twishyura.

Nyuma yicyo gihe cyose haje umunya Libya , batubwiye ko yitwa Saba, aradutwara nyuma atubwira ko yatuguze amadorari 3000 kuri buri umwe.

Aho baba bicaye nk’impunzi ntabuzima bwejo heza baba bateganya ahubwo baba bagurisha nk’imyaka

Mu rugendo tugenda benshi muri twe bacitse intege maze, uwari udutwaye atujyana ahantu baratubika ,bakajya badubika imitwe yacu mu bice byingunguru zuzuye amazi.Bakayadukuramo bakoresheje imigozi yari ituboshye.

Nyuma yaho gato baraturekuye batwemerera kugenda ,haciye akanya gato twahise duterwa n’irindi tsinda ry’abantu bitwaje intwaro, bahita batwikoreza imizigo bari bafite,aba nabo badusabye amadorali 1000, batubwira ko nitutayabaha tutazarekurwa.

Bakomeje batugirira nabi ,batubwiye kongera guhamagara imiryango yacu , batwoherereza amafaranga kuko ayo bari bohereje mberey ari yarashize.

Twimuriwe mu mujyi wa Trablois aho abimukira benshi bari baratujwe.

Twakoraga akazi mu gihe cy’amezi atatu twahamaze, baje  kutwemerera  kugenda , twambuka Mediterranean tujya i Burayi. Mu gihugu cy’Ubudage.

Kuri ubu ndashima Imana cyane ko nabonye icyangombwa cy’impunzi ,kinyemerera gutura mu gihugu cy’Ubudage. Muri iyi nzira yose naciyemo , nifuzaga gusubira mu gihugu cyanjye bikanga .Gusa sinshobora kwibagirwa ibyambayeho mu rugendo rwange kuko mbifata nka bimwe abislael baboneye mu butayu’

uko batwarwa mu modoka nabyo bibatakariza icyizere cyejo habo

Mbabwije ukuri  burya icyo naburaga ndi mu gihugu cyange ,bwari ubujiji bwo kutamenya ubwiza bwo muri Afurika iwacu .Nari gushobora kujya kw’ishuri cyagwa nkakora nk’abandi nkiteza imbere.

Mu rugendo rwange ikintu cyamababaje kurusha ibindi ni mugenzi wanjye twavanye mu mujyi w’iwacu , waje kwitaba Imana . Twamuhambye ku mupaka wa Misiri na Libya.

Inama naha urubyiruko rugenzi rwange rwo muri Afurika ni uko bakunda kandi bagakoresha amahirwe aba iwacu muri Afurika.  Afurika ni nziza , kandi reka nkoreshe ijwi ryanjye ngire nti ubucakara ni bucike ku muganbane wacu wa Afurika”.

Richard Uwizera@ibyamamare.com

Comments

comments




Leave a Reply

Your email address will not be published. Required fields are marked *