Search

Dore urutonde rw’abaraperi bakunzwe cyane mu myaka yashyize hano mu Rwanda utamenya irengero ryabo

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Burya ubuhanzi cyangwa guhanga bisaba guhozaho kugirango ukomeze uhe impanuro cyangwa uhe ibihangano byawe bamwe mu bagukunda.umuhanzi kandi ni wamuntu ugomba guhora ahangayikishijwe no kugeza ibihangano bishya kubakunzi be,iyo bimaze kabiri ntagikorwa akora cyangwa agaragaza icyo gihe abakunzi be bavuga ko yazimye ndetse kuburyo ashobora no kugaruka muri muzika ntabe yakongera kubona abakunzi nkabo yari afite.

Mu myaka ishyize hano mu Rwanda humvikanaga abaraperi benshi ndetse wasangaga injyana ya Rap iri mu injyana ziyoboye hano mu Rwanda,gusa bitewe n’uko bamwe bagiye bigira muri gahunda zabo zitandukanye,aba baraperi bagiye bibagirana mu mitwe y’abakunzi babo ndetse benshi bakaba bavuga ko hari abaraperi benshi bari bashoboye bazimye.

Nk’ibyamamare,twarebye bamwe muri abo baraperi bakunzwe cyane mu minsi yashyize batakivugwa maze tubategurira urutonde rw’abaraperi 8 bakanyujijeho mu minsi yashyize batakivugwa(bazimye)

  1. Masho Mampa

Masho Mampa

Masho Mampa umuraperi wamenyekanye cyane mu ndirimbo Irimbi ry’abazima, Umuhanda, Ibyanjye ndabizi n’izindi, nta mwaka  wajyaga  urangira adakoze indirimbo zo guhangana mu njyana ya hip hop ,uyu muraperi wamenyekanye cyane mu ndirimbo zo gushotorana ,ni uumwe mu baraperi bazimye ndetse utapfa no kumeya aho yarengeye.

  1. Sandra Miraji

Sandra Miraji umwe mubakobwa bari bakunzwe cyane muri Rap

Umuhanzi Sandra Miraji wagaragaje ko gukora injyana ya hip hop nta pfunwe bimutera kubijyanye n’imyambarire ndetse no kwifotoza mu ma video bigatangaza benshi kuri ubu ni umwe mu bahanzi batakigaragara ndetse basa nabasezereye umuziki burundu ,dore ko hashize iminsi itari mike uyu mukobwa atagaragaza ibikorwa muri muzika.

Uyu muhanzi yigeze guhabwa Ibikombe na Girl Hub, umuryango uteza imbere abari n’abategarugori, cy’umwe mu bakobwa batinyura bagenzi babo. Ibi babihereye ku kuba ari umwe mu bakobwa baririmba injyana ya Hip-Hop, imwe mu mpamvu zatumye anasabwa kugaragara muri Filime ’The Girl Effect’.

  1. Bably

Umuraperi Bably n’umugore we

Umuraperi Bably wamamaye mu ndirimbo ‘Imbohe zizabohoka’, ‘Isezerano rya kera’ n’izindi, n’umwe mu bahanzi umwaka badaheruka gushyira ibikorwa byabo hanze ndetse ni umwe mu baraperi bazimye cyane,dore ko ntandirimbo cyangwa ikindi gikorwa cyerekeye muzika aheruka gushyira hanze.

  1. Ciney

Ciney umuraperikazi wagacishijeho

Umuhanzi Uwimana Aisha bita Ciney uzwi mu ndirimbo nka “Ngwino nkwereke” n’izindi zitandukanye ni umwe mu bakobwa bigaragaje muri hip hop mu minsi ishize ariko ubu ntakigaragara dore ko kuri ubu asigaye yikorera umwuga w’itangazamakuru.imyaka ibaye myinshi uyu mukobwa wari ukomeye muri Rap atagaragaza igikorwa na kimwe bisobanuye ko ashobora kuba yarakatiye umuziki.

  1. Captain Pacson

Captain Pacson umusore wamenyekanye kubera guhuza abahanzi bagakora indirimbo

Pacson umwe mu baraperi nawe utacyumvikana

Uyu muraperi wamenyekanye mu buryo bwo guhuriza hamwe abaraperi batandukanye bagakora indirimbo ni umwe mubaraperi batacyumvikana muri iyi njyana nyuma yaho asezerewe kuri TV One,benshi mu bamukundaga bakaba bavuga ko ashobora kuba yarasezereye muzika kuko atakiri umunyamakuru kandi aribyo byatumaga ibihangano bye bimenyekana.

  1. Umuraperi Muhire William (K8 Kavuyo)

 

Umuraperi Umuraperi Muhire William (K8 Kavuyo) kuri ubu yibera USA

Kavuyo ubarizwa muri Press One Entertainement

Uyu muhanzi ubarizwa muri Leta zunze ubumwez’Amerika ,mbere yo kwerekeza kuri uyu mugabane yari umwe mu bahanzi bakoraga cyane ndetse wanahaga ibihangano byiza abanyarwanda bakundaga ijyana ya Rap mu minsi yashyize.kuri ubu uyu musore amaze igihe kitari kigufi asa nutagikora umuziki aho bamwe banavuga ko ubuzima bushobora kuba bwaramucanze akabura amafaranga yo kujya muri studio bikaba aribyo bituma atagikora umuziki.

Uyu musore nyuma yo kwerekeza muri USA ,nibwo yakoze indirimbo nka ‘Ndaguprefera’ariko kuri ubu ibikorwa bye byaribagiranye ndetse benshi ntibakibuka ko yigeze no kuririmba.

1.Diplomate

Diplomate umwe mu baraperi bakunzwe utakivugwa

Uyu muraperi wamamaye ku izina rya Diplomate muri iyi minsi ntari kuvugwa mu muziki Nyarwanda nkuko agitangira byari bimeze. Uyu muraperi watangiye umuziki muri Mutarama 2009 ubwo yumvikanaga mu ndirimbo ‘Umucakara w’ibihe’, ‘Kure y’imbibi’ n’izindi, yarakunzwe cyane icyo gihe aza no kubona ibihembo bitandukanye ariko kuri ubu asa n’uwazimye nkuko iyi mvugo ikoreshwa n’abakunzi ba muzika.

Mu byukuri ugiye kuvuga abaraperi bose bazimye muri muzika nyarwanda bwakwira bugacya kuko ni benshi cyane,gusa twabagejejeho abo uko ari umunani kuko basa naho aribo bamaze  iminsi itari mike batagaragara ndetse ukaba utamenya n’irengero ryabo.gusa nanone ntitwabura kuvuga ko n’umuraperi Fire Man nawe ari kugenda yibagirana mu mwatwi y’abakunzi be.naba ataragaragaza ibikorwa nawe tuzamubagezaho murutonde rusange turi kubategurira mu inkuru zacu zitaha.

 

Richard [email protected]

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.