Dr Diane Gashumba wari Minisitiri w’ubuzima mu Rwanda yeguye azira amakosa akomeye yakoze mu kazi

Dr Diane Gashumba wari Minisitiri w’ubuzima mu Rwanda yaraye yeguye ku mirimo ye, nkuko bitangazwa n’ibiro bya minisitiri w’intebe.

Kwegura kwe “kuje gukurikira amakosa akomeye n’imiyoborere idakwiye yakomeje kugaragaza”, nkuko bikubiye mu butumwa bwa Twitter bw’ibiro bya minisitiri w’intebe w’u Rwanda.

Nta bindi bisobanuro byatanzwe ku kwegura kwe.

Dr Diane Gashumba wari Minisitiri w’ubuzima mu Rwanda yaraye yeguye ku mirimo ye

Dr Gashumba yari Minisitiri w’ubuzima guhera mu kwezi kwa cumi mu 2016 – umwanya yagezeho asimbuye Dr Agnes Binagwaho wayoboye iyo minisitireri kuva mu 2011 akayivamo yirukanwe.

Mu byo yagizemo uruhare mu gihe cy’imyaka irenga itatu ku buyobozi, harimo n’ibikorwa byo gukumira ko indwara ya Ebola muri Repubulika ya Demokarasi ya Kongo igera mu Rwanda.

Kwegura kwe kuje gukurikira ukwa Evode Uwizeyimana wari umunyamabanga wa leta muri minisiteri y’ubutabera na Isaac Munyakazi wari umunyamabanga ushinzwe amashuri abanza n’ayisumbuye, batangajwe ko beguye ku wa gatanu ushize.

Tanga Igitekerezo ukoresheje Facebook

SHARE

1 IGITEKEREZO

  1. Mubyukuri ntabwo hasabwa ubufasha bwo guhemba abakinnyi kuko ubu hari abantu bakomeje gukora bitangira igihugu muri iki gige kibi kitoroshye aribo :abaganga; abashinzwe umutekano n abandiiiii.none ngo bajye guhembaabakinnyi??????bari gukinira he?mungo zabo?please abatanyumvise neza mumbabarire tugomba gukora dukurikije priorities