Search

Drake yaciye amarenga ku rukundo rwe na Rihanna

IBM Radio Listen Live

KANDA HANO UREBE VIDEO

Mu mpera z’icyumweru twasoje nibwo umuhanzi w’icyamamare mu njyana ya Hip Hop ariwe Aubrey Drake Graham wamenyekanye nka Drake w’imyaka 29 yavugiye mu ruhame amagambo yafashwe nko guca amarenga yuko ari mu rukundo na Rihanna Robyn Fenty w’imyaka 28.

Hari mu birori ngaruka mwaka byo gutanga ibihembo bya MTV Video Music Awards ku nshuro ya 33, byari byabereye mu mujyi wa New York ahitwa Madison Square Garden ubwo umuhanzi Rihanna yari atoranyijwe ko ariwe ukwiye guhabwa igihembo cyitiriwe nyakwigendera Michael Jackson “Michael Jackson Video Vanguard Award.” Ari nacyo cyari igihembo gikuru muri ibi byatangwaga.

Drake niwe wagombaga gushyikiriza Rihanna iki gihembo maze arazamuka amusanga kurubyiniro mbere yuko akimushyikiriza, Drake yabanje kugira ati “Ni umukobwa nakunze kuva ngifite imyaka 22. Ni umwe mu nshuti zanjye z’imena ku isi, ni icyamamare kigihumeka umwuka w’abazima muri uru ruganda rwa muzika”

Drake yakomeje agira ati “igitangaje kuri we, si ibihembo n’ibigwi byinshi ahora ageraho, igitangaje n’uwo ari we. Abasha kugera ku bintu byinshi kubera ko hari ikintu ashoboye abenshi muri uru ruganda badashoboye. Abasha kuba uwo ari we, ni wa mukobwa waje aturutse Barbados, inshuti ze ziracyari za zindi. Dukunda video akora ariko cyane cyane dukunda uwo mukobwa utarigeze ahinduka kuva aho yatangiriye umuziki”

Rihanna nawe yafashe ijambo avuga ko igihembo yahawe agituye umurynago we, abafana be, igihugu cye (Barbados) n’abagore babirabura muri rusange. mbere yo kuva ku rubyiniro abanza gushimira Drake bahita banasomana.

drake-rihanna-2016-mtv-video-music-awards-show1_rihanna_drake-20160829-006-afp drake-rihanna rihanna-drake-2 Drake-and-Rihanna rihanna-drake-1Kanda hano udukurikire kurubuga rwacu rwa youtube, urasangaho ibiganiro n’amashusho y’indirimbo bishya twaguhitiyemo, ntiwibagirwe gukana ahanditse”Subscribe” Kanda hano ujye udukurikira kuri facebook yacu, ntiwibagirwe gukora Like

by Ivan Heritier

Comments

comments




Leave a Reply

Your email address will not be published. Required fields are marked *