DRC: Ebola yongeye kwaduka i Beni muri Kivu y’amajyaruguru

Kuri uyu wa Gatanu mu mujyi wa Beni muri Kivu y’amajyaruguru muri Repubulika ya Demokarasi ya Congo,hagaragaye umurwayi mushya wa Ebola nk’uko byatangajwe n’ubutegetsi bwa Kinshasa.

Hari hashize iminsi 52 nta murwayi wa Ebola ku butaka bwa Congo aho hari hamaze iminsi 2 hatangajwe ko icyo cyorezo cyari cyarashegeshe bikomeye umujyi wa Beni cyarangiye ku butaka bwa RD Congo amakuru yizewe yahamije ko icyo cyorezo cyongeye kugaragara muri uwo mujyi uhoramo ibibazo by’umutekano.

Itsinda rishinzwe amakuru ku cyorezo cya Ebola ryatangaje ko hari umuntu wasanganye iyi ndwara

“Itsinda ryacu riremeza ko uyu munsi kuwa gatanu 10 Mata 2020 hagaragaye umuntu mushya ufite virusi ya Ebola muri Beni muri Kivu y’amajyaruguru.n’umugabo w’imyaka 26 ukomoka muri Beni”

Umuyobozi mukuru wa WHO Bwana Tedros Adhanom Ghebreyesus yemeje aya makuru aho yavuze ko yagiranye ibiganiro na Komite ishinzwe kurwanya Ebola muri RD Congo ikamutangariza ko hagaragaye umuntu wanduye Ebola nyuma y’iminsi 52 nta murwayi mushya.

Tanga Igitekerezo ukoresheje Facebook

SHARE