DRC: Nefesper umuhanzi ufite inzozi zo kumenyekanisha akarere ka Masisi

Nishimwe Clement n’umuhanzi w’umu Congoman uririmba mu rulimi rw’ikinyarwanda, azwi kw’izina rya NEFESPER yamenyekanye cyane mu ndirimbo yashyize hanze nka Nerure,Nikubwawe n’izindi zitandukanye. by’umwihariko n’umwe mu nkingi za mwamba z’itsinda ryitwa Masland rihuriyemo Abahanzi bakomoka i Masisi.

N’umuhanzi ukora injyana ya Afrobeat yibanda ku ndirimbo z’urukundo aho anacishamo agatanga n’ubutumwa bw’ihumure muri sosiyete,yizera ko muzika y’Aba Congoman baririmba mu rulimi rw’ikinyarwanda hari igihe izagira agaciro muri RD Congo ndetse bakisanga no kibuga cya Muzika Nyarwanda.

Uyu muhanzi avuga ko nk’abahanzi bakomoka i Masisi igice cyo mu misozi kure y’umujyi wa Goma bibagora kwisanga mu ruhando rwa Muzika yo muri Goma imaze gutera imbere ariko uko bagenda bakora cyane hari icyizere.

“Urabona twe dukomoka i Masisi kure y’umujyi wa Goma by’umwihariko indirimbo zacu akenshi tuzikora mu Kinyarwanda kwakirwa muri Goma byaragoranye gusa hari icyizere  “

Nefesper akomeza avuga ko nk’abahanzi bakomoka i Masisi byabasabye kwishyira hamwe no gutahiriza umugozi umwe kugira ngo berekane ko bishoboka muri muzika

“Byadusabye kwishyira hamwe dushinga itsinda ryerekanye ko hari Abahanzi bashoboye,ubu hari ama Radiyo mu mujyi wa Goma asigaye atwakira nta kibazo,urumva ibintu biri kugenda bihinduka gacye gacye ” 

Nefesper uhagaze neza mu njyana ya Afrobeat

Ku bijyanye n’urugendo rwe muri Muzika Nefesper avuga ko bitari byoroshye mu minsi itambutse gukora indirimbo yujuje ubuziranenge ko byamusabye kubanza kubaka umubano nabatunganya indirimbo mu mujyi wa Gisenyi aho kur’ubu nta mpugenge akigira ku buziranenge bw’indirimbo akora n’ubwo bimusaba ubushobozi bwinshi.

Hari inzozi kuri Muzika y’abahanzi bakomoka i Masisi uyu muhanzi afite

“Inzozi zanjye n’ukumenyekanisha akarere ka Masisi binyuze mu buhanzi, njye na bagenzi banjye duhuje indoto yo kwikura mu bwigunge no gususurutsa abanya Masisi no kubakorera ubuvugizi binyuze mu buhanzi. Dufite icyizere akarere kacu kazatera imbere kandi tuzamenyekana hose “

Nk’umuhanzi wifuza kugera kure uyu musore avuga ko igihe kigeza ngo aba Abanya Masisi babashyigikire bazamure izina ry’akarere bakomokamo

“Twamaze kwerekana ko dushoboye muzika tudashakisha,indirimbo nziza turazikora,n’ibitaramo tubitegura mu bushobozi bucye bwacu harageza ko n’abantu bakomoka i Masisi badutera inkunga igaragara itari iyamagambo gusa.badushyigikire natwe tuzamure akarere kacu”

Nefesper aganira na IBYAMAMARE yasoje asaba abahanzi bagenzi be gushyira hamwe no kumvikana bakareka ibintu by’amatiku ya hato na hato maze bakisunga itangazamakuru kuko ryababera umusingi w’iterambere ry’ubuhanzi bakora .

Mu minsi ishize uyu musore yashyize hanze ifoto yamamaza indirimbo ari gukorera mu Rwanda yise “Umusinzi” indirimbo avuga ko iri muzizazamura ireme rya muzika ye ikabafasha kuva ku rwego rwo muri Congo ikambuka imipaka.

Sawale indirimbo ya Nefesper

Tanga Igitekerezo ukoresheje Facebook

SHARE