Search

Dub Inc itsinda rikomeye mu Bufaransa ryataramiye i Kigali mu gusoza Isaano Festival (Amafoto)

IBM Radio Listen Live

KANDA HANO UREBE VIDEO

Ku mugoroba wo kuri iki Cyumweru tariki ya 11 Gashyantare 2018 nibwo abasore barindwi bagize itsinda rya Dub Incorporation riri muyakomeye mu Bufaransa, bataramiye abari bitabiriye ibirori byo gusoza Isaano Festival yari imaze iminsi ine ibera mu mujyi wa Kigali.

Dub Inc yo mu Bufaransa niyo yasoje Isaano Festival mu gitaramo cy’ubuhanga n’ingufu.

Iki gitaramo cyo gusoza iriserukiramuco ryahuje abahanzi bo mu mico itandukanye, cyabereye ahitwa One Love Hall.

Iritsinda Dub Inc ryaririmbira mu Mujyi wa Kigali ku nshuro ya mbere ryari riyobowe n’abaririmbyi babiri ari bo: Hakim “Bouchkour” Meridja na Aurélien “Komlan” Zohou. Abandi nka Jérémie Grégeois na Moritz Von Korff bacuranga ’guitar’; Frédéric Peyron na Idir Derdiche bacuranga ’piano’; Grégory “Zigo” Mavridorakis uvuza ingoma ndetse n’uwitwa Mathieu wabafashaga mu bundi buhanga bw’ibyuma.

Aba bahanzi baririmbye umwanya munini nta kuruhuka, bamaze amasaha abiri ku rubyiniro bacuranga indirimbo ziganjemo izifite umudiho n’iz’injyana ya Reggae.

Aba basore bagaragaje ubuhanga bafite muri muzika by’umwihariko mu gukirigita gitari ndetse no ku bindi bicurangisho byarekuraga umuziki uryoheye amatwi ku bitabiriye iki gitaramo.

Baririmbye indirimbo zabo zizwi zirimo “Tout ce qu’ils veulent”, “Rudeboy”, “Laisse le temps”, “Maché bécif”, “Chaque Nouvelle Page”, “Don’t Be a Victim”, “Erreurs du Passé”, “Better Run” n’izindi.

Dub Inc yasoje iserukiramuco Isaano Festival ryari rimaze iminsi ine riba, yabanjirijwe n’abahanzi batandukanye barimo abo mu Rwanda no hanze. Abaririmbyi barimo abize umuziki ku Nyundo, Weya Viatora, Tito Uribe, Alyn Sano, Cubaka Justin, Yvan Ngenzi, Peace, Andy bumuntu, Sam Band n’abandi.

 

 

 

Ivan Heritier

Comments

comments




Leave a Reply

Your email address will not be published. Required fields are marked *