Emmy Basabose umuhanzi mushya mu ndirimbo zo kuramya no guhimbaza Imana

Emmy Basabose  n’umuramyi ubimazemo imyaka myinshi aho yahereye uyu mulimo akiri umwana muto cyane kur’ubu yatangiye urugendo rwo gukora umuziki nk’umuhanzi wo kuramya no guhimbaza Imana.

Umuramyi Emmy Basabose ni umunyempano mushya, uruhando rw’umuziki uhimbaza Imana rwungutse. Indirimbo ye ya mbere yasohoye yayise “Himbazwa” abarizwa muri ADEPR Kabuye mu mujyi wa Kigali

Emmy Basabose yatangiye umuziki akiri umwana aho yinjiye muri korali y’abana mu rusengero yasengeragamo mu Itorero rya ADEPR. Nyuma yaje kwinjira muri Korali  ikora ivugabutumwa rinyuze mu ndirimbo.

Uyu muhanzi yatangiye urugendo rwa muzika ahereye ku ndirimbo yitwa “Himbazwa” indirimbo yemeza ko yamufunguriye amarembo yo gusakaza ubutumwa bwiza bwa Yesu Kristo hirya no hino kw’isi abinyujije mu mpano Imana yamuhaye ku buntu.

Emmy Basabose  yabwiye IBYAMAMARE ko muri gahunda afite mu muziki iza imbere ari ugushyira itafari rye ku iterambere rya muzika yo guhimbaza Imana.

Emmy Basabose umuhanzi mushya mu ndirimbo zo kuramya no guhimbaza

Yagize ati “Abahari ni abahanga, ariko nanone nanjye nje gufata itafari ngatereka ku iterambere ry’umuziki wo guhimbaza Imana. Nizeye ko ubutumwa bwanjye hari abo buzafasha kandi ni nayo ntego ya mbere mfite.”

Umuhinzi ahinga ashaka umusaruromwiza,Imana iradushakaho umusaruro mwiza,ubyibushye ufatika windobanure” Emmy Basabose

Uyu muhanzi asaba abakunda muzika yo kuramya no guhimbaza Imana kumutera Ingabo mu bitugu kugira ngo azabashe gusakaza ubutumwa bwiza aho yabahaye amagambo aboneka mu Byakozwe n’Intumwa 18.

Himbazwa by Emmy Basabose

Tanga Igitekerezo ukoresheje Facebook

SHARE

1 IGITEKEREZO