Search

Ese koko abanyamerika bagiye ku kwezi? Cyangwa bari bagamize kubeshya Isi? Menya ukuri!

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Ku itariki ya 20 z’ukwezi kwa Nyakanga mu 1969, Abanyamerika bavuze ko bagiye ku kwezi ku nshuro ya mbere mu mateka y’isi. Ibi bikaba byarakozwe muri misiyo y’Abanyamerika yiswe Apollo 11. Uretse ko uku kujya ku kwezi kwafashwe na bamwe mu batuye isi nk’amanyanga ya Politike, n’abahanga batari bake mu isomo ry’Ubugenge ndetse n’Imibare bakomeje gushidikanya kuri uku kujya ku kwezi. Bamwe ndetse bakaba banemeza ko Abanyamerika batigeze bagera ku kwezi icyo gihe.

maxresdefault

Ese byatangiye gute ? Abahakana ko Abanyamerika bagiye ku kwezi bashingira kuki ?

  1. Ku itariki ya 4 Ukwakira mu 1957, Leta Zunze Ubumwe z’Abasoviyete (USSR) zohereje icyogajuru cya mbere mu kirere kitwaga Sputnik. Iki gitangaza cyakozwe n’abantu batari Abanyamerika cyabaye nk’agashya gakomeye ndetse binaba isoko yo kumva Abasoviyete bari hejuru, kurusha ndetse n’Abanyamerika. Birumvikana ko Abanyamerika batashimishijwe n’iki gikorwa. Byanze bikunze nk’igihugu cyumvaga ari icya mbere muri byose bagombaga kureba uko babigenza ngo nabo bace ku basoviyete cyane cyane ko ibyo bihugu byari bihanganiye mu nambara y’ubutita.
    Abanyamerika rero bumva ko aribo bagenzura isi, ntabwo bari kwihanganira kubona undi muntu ashaka kubasimbura. Ikindi kandi cyatumye babeshya ni guhangana mu by’ubukungu n’ingufu abanyamerika bari bafitanye na Leta zunze ubumwe z’abasoviyeti, aho buri wese yagombaga gukora ikintu kigaragaza ko asumbye undi cyane cyane ko byari ibihugu bibiri byari bikomeye ku isi muri icyo gihe. Ibi rero byabaye kubacecekesha.

Mu 1958 Abanyamerika baba bashinze NASA (Ikigo cy’Abanyamerika gishinzwe kugenzura ikirere). Mu gihe Abanyamerika bakisuganya ngo barebe ko nabo icyo bakora, mu mwaka w’ 1959, Abasoviyete baba bagize batya bohereje ikindi cyogajuru. Cyo noneho bacyohereza kure cyane ; hanze y’ikirere cy’isi (atmosphere). Iki cyogajuru cyaranagiye gifata ifoto y’isi kiri hafi y’ukwezi neza. Ibi byabaye noneho imbarutso y’icyo umuntu yakwita ishyari ku ruhande rw’Abanyamerika batari barigeze babigeraho mbere.
Umuntu yumvise ibi yakwibaza ati “ese Abanyamerika bagiraga ishyari, kohereza ikintu mu kirere bivuze iki ?” Ikintu gikomeye cyane cyo kohereza ibi byogajuru mu kirere ni uko byahaga Abasoviyete ubushobozi bwo kugenzura isi, mbese bameze nk’abayihagaze hejuru.

Aha twakwibutsa ko ku muri Nzeri 1959, Abasoviyete bashoboye kohereza ikintu (Luna 2) cya mbere kivuye ku Isi ariko ntibashobora kuba bakoherezayo umuntu. Birumvikana ko kugirango Abanyamerika babemeze bagombaga koherezayo umuntu.
Nk’uko babivuga, ku itariki ya 16 Nyakanga 1969, abagabo batatu b’abahanga mu by’ikirere : Neil Armstrong wari ubayoboye, Michael Collins, na Edwin “Buzz” Aldrin bahaguruka muri Leta ya Florida mu majyepfo ya Leta Zunze Ubumwe z’Amerika berekeza ku kwezi.

Nk’uko bikomeza bitanganzwa na NASA ku itariki ya 20 muri uko kwezi nibwo bagezeyo maze batangira no gufata amafoto ndetse n’amavidewo bereka isi yose.
2. Ikindi kivugwa ko cyatumye abanyamerika babeshya, byari mu rwego rwo gutuma isi yose ireka gukomeza kwita ku ntambara amerika yari imaze gutsindwa mo muri Vietnam,ndetse ihita ivanayo n’ingabo mu gihe isi yose yari yibanze kuri icyo gikorwa cyo kujya ku kwezi bityo rero ntiyita ku gutsindwa kw’abanyamerika.
Nkuko twabikuye muri Documentaire (Did we Land On The Moon ? : Conspiracy Theory) amafoto n’amavidewo byakozwe ikigo cya NASA cyabitakajeho akayabo ka Miliyari 30 z’amadorari mu gikorwa cyiswe “kujya ku kwezi” ibi NASA ikaba yarabikorehseje mu kigo gikomeye ku isi mu gukora ama filime cya Hollywood, binavugwako icyo gihe imishinga yose yo gukora ama filime yari ihari yaba yarahagaritswe hakibandwa kuri icyo kiraka gihenze cyari kibonetse.

Ibyo byose kandi byakorewe mu butayu, ahantu hari ikigo cya gisirikare cyitwa Area 51 gikomeye, Ikindi kandi muri iyi myaka ikoranabuhanga ryose ryabaga rigendanye no guha imbaraga igisirikare. Abanyamerika rero bashatse nabo kuzana agashya ngo bajye ku kwezi nkuko iyo documentaire dukesha iyi nkuru ikomeza ibivuga.

Kanda Hano ukomeze udukurikire kuri facebook kanda hano, kuri twitter kanda hano, kuri youtube kanda hano, bizajya bikorohera guhita ubona amakuru yacu muburyo bwihuse.

Kagiraneza Ernest

Comments

comments




Leave a Reply

Your email address will not be published. Required fields are marked *