----1

Ese koko iyo umusore aryamanye n’umukobwa bakundana ahita amwanga? Dore ukuri kwabyo

KANDA HANO UREBE AMASHUSHO TWAGUHITIYEMO UYU MUNSI

Bikunze kuvugwa kenshi ko ngo iyo umusore aryamanye n’umukobwa kuva ubwo ahita amwanga burundu, mbese nta rukundo ngo ashobora kumugirira nyuma y’uko bakoranye imibonano mpuzabitsina. 

Ese koko niko biri? Ibyose byaba ari ibyatuma koko urukundo rukonja cyangwa ahubwo birarwongera? Niba ari ukuri se ubwo abagabo bose bafite abagore ntibabakunda?

happy-african-american-couple-snuggling-in-bed

Ibi bibazo byose nyuma yo kubyibaza ngirango mwaba mwamaze gusobanukirwa neza ko kuryamana ku bakundana batararushinga ataribyo byatuma umuhungu ahita yanga umukobwa, ndetse ahubwo byagakwiye no kongera urukundo hagati yabo.

Ahubwo rero dore zimwe mu mpamvu zishobora gutuma umuhungu ahita akatira umukobwa nyuma yo kuryamana:

1. Kuba n’ubundi nta rukundo rwari ruhari

Niba umusore yari afitanye umubano n’inkumi agamije kwiryamanira nawe gusa nta rukundo rundi rufite intego amufitiye, azakora ibishoboka byose nyine ngo abigereho nabirangiza ahite amutera ishoti wa mugani wa ya mvugo y’abubu.

2. Kuba umukobwa yagaragaza imbaraga nke

Indi mpamvu yatera umusore guhinduka akanga umukobwa nyuma y’uko baryamana, ni ukuba umukobwa yagaragaza ko amwemereye kuryamana mu buryo bworoshye mbese bikaba byatera umusore gutekereza ko n’abandi bose ashobora kubemerera.

3. Imyitwarire mibi ku mukobwa nyuma y’uko baryamana

Ibi bikunze kubaho kenshi kandi mu nzira nyinshi, umukobwa akaba yakitakariza amanota mu gihe amaze kuryamana n’umuhungu. Niba bamaze kuryamana, ni bibi cyane kuba umukobwa yabicyurira umusore cyangwa se akabiganiriza bagenzi be kuko nabyo byereka umuhungu ko nyamukobwa ari birihanze atazi kuzirikana amabanga y’urugo!

4. Kudashimishanya mu buriri

Nk’uko dusanzwe tuvuga ko gutera akabariro ariryo zingiro ry’akanyamuneza ku bashakanye, iyo abatarashakana baryamanye nabo iyo batabashije kwishimana kuri iyo ngingo biba ikibazo. Niba rero umusore atishimiye cyangwa se atanyuzwe n’ibyo bakoze, bishobora kumutera kumva atakimufitiye ibyiyumviro[Sentiments] bigatuma n’urukundo yari amufitiye rukendera.

5. Gukabya kwijijisha k’umukobwa

Ibi ni ikibazo gikunze kubera benshi mu bakundana intandaro yo gushwana mu gihe bamaze kuryamana. Aha usanga bamwe mu bakobwa bemera kuryamana n’abakunzi babo nyamara bagashaka kwerekana ko bikozwe ku nyungu n’ubushake bw’umusore naho inkumi ntacyo biyimariye ndetse itazi n’aho bigana mbese ari n’ubwa mbere abikoze.

Nyamara akenshi usanga bene abo bakobwa baba babizi cyane ndetse wenda atari n’ubwa mbere babikoze. Binabaho ndetse ko umukobwa yihandagaza akereka umusore ko baryamanye ku gahato k’umusore.

Ese koko bibaho ko byakorwa ku ngufu z’umusore umukobwa atabishaka? Niba aba yemeye kubikora se kuki atiyemeza no kubikorana ubushake n’umutima ucyeye?

Ngaho nawe gira icyo ubivugaho. Ubona koko kuryamana byo ubwabyo aribyo bitera umusore kwanga umukobwa bakundanana? Wowe se ubona impamvu ari iyihe?

87,045 total views, 22 views today

Comments

comments

Indirimbo Nshya : Sinzibagirwa by Israel Mbonyi[YUMVE]



One thought on “Ese koko iyo umusore aryamanye n’umukobwa bakundana ahita amwanga? Dore ukuri kwabyo

Leave a Reply

Your email address will not be published. Required fields are marked *