Search

Ese wakora iki mugihe ukunze kuzana ibyuya byinshi n’impumurombi ku mubiri?byinshi kubyagufasha isomere

IBM Radio Listen Live

KANDA HANO UREBE VIDEO

Abantu bamenyekana ku bintu bitandukanye, ariko nta wifuza kumenyekana ku kibi. Hari umuntu ugira impumuro mbi ku buryo aho agera hose hari abantu bamuzi bataranamubona Icyuya kikamutangayo. Iki ni ikintu kibangamira umuntu uwo ari wese.

kuzana icyokere kinshi birenze urugero bishobora kuba ari uburwayi.gana muganga

Reka tubanze turebere hamwe uko icyunzwe gikorwa n’impamvu yacyo: burya mu mubiri haba udusabo (glands) dufasha gusohora umwanda mu buryo bw’icyuya, cyangwa tukagisohora hashyushye nk’uburyo bwo kwirwanaho ngo ugerageze gukonja. Utwo dusabo tuba ahantu hatandukanye ariko utwinshi twirunze mu kwaha no mu mayasha.Hari impamvu nyinshi zishobora gutuma icyunzwe kinuka kurusha ibisanzwe.

Dore ibintu bishobora kugufasha kugabanya cyangwa kurandura burundu ibyunzwe byinshi n’umunuko wo ku mubiri nk’uko tantine yabitangaje.

1.Isuku yo mu kwaha

Ogosha incakwaha kandi usukure mu kwaha kenshi gashoboka kugirango urinde kwikusanya k’udukoko ahaba hasohokeye imyanda y’umubiri. Ibi birajyana no kogosha ahandi hose hari imisatsi yajyamo imyanda nko ku gitsina.
2.Oga ukoresheje isabune nziza n’amazi akonje

Isabune nziza aha mvuga si izihenda ahubwo ni izifitemo ubushobozi bwo kwica udukoko kandi ziboneka mu maguriro y’imiti mu Rwanda. Ikindi koga amazi ashyushye byongera ubushyuhe mu mubiri bigatuma uzana ibyuya byinshi.

  1. Tekereza Kubyo wambara

Burya niba uziko ujya ugira ikibazo cyo kugira ibyunzwe byinshi wambara imyenda iha umubiri wawe umwuka uhagije, mbese yoroshye ku buryo akayaga gatambuka. Ikindi ufure kenshi gashoboka burya ntukambare ishati imwe inshuro 2 itarameswa. Ikindi witaho ku myenda ni amabara wambara, ntiwahitamo ko ikizinga cy’ibyunzwe kijya ku ishati yera kandi uziko ku rindi bara kitagaragara cyane nko ku mweru.

Mu gihe imyenda ari nk’amakote adafurwa buri gihe, ujye ushaka ikintu ushyira mu kwaha nk’agatambaro mbere yo kuyambara. Irinde kwambara ingofero ureke umutwe wawe ubone akayaga gahagije.

  1. Koresha imiti igabanya ibyunzwe.

Hari imiti iboneka ahantu henshi isigwa nko mu kwaha kugirango ibyunzwe bigabanuke bita antitranspirants(antiperspirants). Burya ngo igihe cyiza cyo kuyisiga nijoro kuko bituma uruhu rutangirika. Hari n’abakoresha izi poudre zisanzwe abakobwa bisiga mu maso zikabafasha

Hari uburyo bwa gakondo bwo kwirinda ibyunzwe aho umuntu mbere yo kwambara asiga indimu mu kwaha kuko nabyo birafasha.

  1. Ongera Impumuro

Abantu benshi bakoresha ibyabugenewe byongera impumuro (deodorants na parfums) kandi bikabafasha. Hitamo iyo wumva ikubereye kandi uyikoreshe nyuma yo gukora isuku bisanzwe.

  1. Ibiribwa n’ibinyobwa ni ingenzi

Burya ngo hari ibiribwa nka Poivron zitukura ,urusenda n’ibitunguru byongera ibyunzwe, ibinyobwa nabyo nk’inzoga,ibyo kunywa bishyushye, isukari nyinshi, ibirimo ikawa ndetse n’itabi byose bituma ibyunzwe biba byinshi.

Urasabwa kunywa amazi akonje kenshi ku munsi, imitobe ikoze mu nyanya n’inkeri byose bituma ibyunzwe bigabanuka kandi ntibinuke. Inyama z’inka n’ingurube zihiye neza nazo zerekanwe gufasha kugabanya ibyunzwe kuko iy bigeze mu mara bikorerwa igogora ritanga bimwe mu bintu bituma ibyunzwe bitanuka.

  1. Sukura ibirenge byawe

Burya hari abantu bagira impumuro mbi mu birenge byabo, hari igihe buba ari ubundi burwayi bubyihishe inyuma ariko nanone n’isuku nkeya irabitera. Gerageza kugira amasaha uba utambaye inkweto n’amasogisi kugirango uhumeke, ujye uhindura amasogisi n’inkweto byibura rimwe mu minsi 2. Hari n’aho batanga inama zo gushyira ibirenge mu mazi arimo umunyu ariko nta gihamya tubifitiye.

  1. Itegure bitewe n’aho ugiye

Niba ugiye nk’ahantu uziko uri bujye mu nama nyuma yahoo, ushobora kwitwaza indi shati ukaza guhindura. Nanone ukitwaza agatambaro(mouchoir) ukazajya wihanagura uko ushoboye.

  1. Irinde Kurakara no gukererwa

Ibintu byose birakaza cyangwa bigakura umutima byongera ibyunzwe, rero gerageza kubyirinda.

Gukererwa bituma ugenda wirukanka, nawe urabyumva rero ko ibyunzwe bitahatangwa

  1. Gana Muganga w’uruhu

Hari indwara zisanzwe z’igogora ariko zikagira ingaruka ku dusabo tw’ibyunzwe, ibi byose ubyisuzumishiriza kwa muganga. Aha harimo kwegera muganga w’uruhu(Dermatologist) akareba ko nta kintu kigutera ibyunzwe bikabije. Suzuma mu byo ukora byose ushake impamvu igutera kugira ibyunzwe byinshi. Habaho uburyo bwinshi bwo kuvura umunuko n’ibyunzwe rero vugana na muganga wawe agufashe.

 

Richard [email protected]

 

Comments

comments




Leave a Reply

Your email address will not be published. Required fields are marked *