Search

Fidel Castro wahizwe n’aba Perezida bagera ku 10 bayoboye Amerika bose bashaka ku mwivugana akabereka ko adakorwaho, ku myaka 90 yitabye Imana.

IBM Radio Listen Live

KANDA HANO UREBE VIDEO

Uwahoze ari perezida wa Cuba akaba n’umuyobozi w’impinduka ya gikomunisiti yabaye mu gice cya kabiri cy’ikinyejana gishize yapfuye afite imyaka 90.

Amakuru yatangajwe na televiziyo y’igihugu ya Cuba akemezwa na BBC avuga ko Perezida w’icyo gihugu Raul Castro ari we ubwe watangaje iby’urupfu rwe ariko ntiyasobanura icyamwishe.

fidel-castro-died-at-90

Fidel Castro ni umwe mu bagabo b’amateka manini ku isi

Yayoboye Cuba mu gihe gikabakaba imyaka 50 kugeza ahaye ububasha bwe umuvandimwe Raul mu 2008.

Abamushyigikiye bavuga ko ari umuntu wasubije igihugu cya Cuba mu maboko y’abaturage.

Muri Mata, Fidel Castro yatanze ijambo ku munsi wa nyuma wa kongere y’ishyaka ry’abakomunisite; yemera ko ashaje ariko anahamya ko amahame ya gikomunisite akiriho kandi abaturage b’igihugu cye batsiinze.

Ati “Ngiye kugira imyaka 90! Ni ibintu ntigeze ntekereza. Mu minsi ya vuba nzaba ndi nk’abandi… igihe cyacu kizagera kuri twese!”

Yavukiye mu ntara y’Uburasirazuba ya Cuba mu 1926 afungirwa gushaka guhangana n’ingoma ya Batista Fulgenciomu 1953. Mu 1959 Che Guevara yashoje intambara yo guhirika guverinoma ya Batista, agira Fidel Castro Minisitiri w’Intebe.

Naho mu 1962 yateje impagarara zishingiye ku bisasu bya kirimbuzi, yemerera Leta Zunze Ubumwe z’Abasoviyeti kubiterera muri Amerika bivuye muri Cuba.

Mu 1976 yatowe n’inteko ku Buyobozi bw’Igihugu yegura mu 2008 kubera impamvu z’ubusaza.

Fidel Castro ni umwe mu bagabo b’amateka manini ku isi. Azwi cyane ku kuba ari umwe mu bahanganye na Leta z’unze ubumwe za Amerika igihe kinini kandi aturanye nabo ariko akaramba, yasimbutse imitego myinshi yabaga yatezwe n’ubutasi bwa Amerika,aba Perezida bagera ku 10 bose bayoboye Amerika ari ku buyobozi ntanumwe wifuje kumvikana nawe ariko bose yagiye abanyura mu myanya y’intoki ndetse akabereka ko ari igihangange ntawamubasha nawe ntiyigeze yifuza kumvikana na leta zunze ubumwe z’amerika kugeza avuye kubuyobozi.

Akundwa cyane na benshi mu gihugu cye ndetse hari benshi ku Isi bamufataho urugero agafata nk’intwari yarwanye kubenegihugu ikabaha ijambo mugihugu cyabo, yahoze kandi ari inshuti ikomeye ya nyakwigendera Nelson Mandela.

 

 

Comments

comments




Leave a Reply

Your email address will not be published. Required fields are marked *