Search

FIFA: Amamiliyoni yishyurwa hagurwa abakinnyi ashobora kuba gitera mugusenya umupira w’Amaguru

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Perezida w’Ishyirahamwe ry’umupira w’Amaguru ku Isi(FIFA) Gianni Infantino arifuza ko yashyiraho uburyo bushya bwo kuvugurura igura n’igurisha ry’abakinnyi mu rwego rwo gukumira ubwiyongere bw’amafaranga amakipe atakaza agura abakinnyi b’ibyamamare ndetse n’ayo abahagarariye inyungu z’abo bakinnyi bafata mu rwego rwo gusigasira ubusugire bwa ruhago.

Abakunzi ba Ruhago mu mpande z’Isi zitandukanye bemeza ko ubwiyongere bw’amafaranga akomeje kugenda yiyongera umunsi kuw’undi  mu igura n’igurisha ry’abakinnyi, ashobora kuba impamvu nyamukuru ishobora guhungabanya ubuziranenge umupira w’amaguru wari usanganwe mu gihe ntacyaba gikozwe mumaguru mashya.

Umwaka wa 2017 tumaze igihe kingana n’amezi 2 dusoje, ubwiyongere bwafashe intera ikabije kurusha indi myaka yose yatambutse kuko umukinnyi waruhenze ni rutayizamu wa Manchester United Paul Pogba kukayabo ka miliyoni 105 z’ma Euro, gusa hagati aho impinduka zabayeho zagaragaje umuvuduko uteye ubwoba imbere y’abakunzi ba Foot ball.

Ikipe ya Paris Saint-Germain yo mu gihugu cy’Ubufaransa ni yo yafashe iyambere mu kurisha abantu imitima nyuma yo kugura Neymar Jr da Silva imuvana mu ikipe ya Fc Barcelona ku kayabo ka miliyoni 222 z’ama Euro.

Iyi kipe y’abaherwe b’abanya Qatar niyarekeye aho yanagiye muri As Monaco ikuramo umwana muto Kylian Mbappe kuntizanyo, gusa biteganyijwe ko mu mpeshyi y’uyu mwaka igomba kumugura angana na miliyoni 180 z’ama Euro.

Nyuma yo kugenda kwa Neymar ikipe ya Fc Barcelona nayo ntiyatuje ahubwo yirukanse ku ugomba gusimbura uyu munya Brasil wari warigaruriye imitima ya benshi mu bafana.Umufaransa Ousmane Dembele ni we wazanwe nk’umusimbura wa Neymar atanzweho angana na miliyoni 147 z’ama Euro ku myaka 21 y’amavuko yonyine.

Braugrana yanagiye muri Liverpool ikuramo Philippe Coutinho imutanzeho angana na miliyoni 160 z’ama Euro aba umukinnyi wa mbere mu mateka y’iyi kipe y’I Catalunya.

Uretse ikibazo cy’amafaranga menshi atangwa mu kugura abakinnyi, perezida wa FIFA Infantino kandi ntiyemeranya n’amakipe akusanya abakinnyi bakiri bato bikarangira abatanze ku ntizanyo, akaba afite ikizere cyo kuba yazanye impinduka zimwe mu mpera z’uyu mwaka. Chelsea yo mu Bwongereza ni imwe mu makipe akomeje gutungwa agatoki.

Ifantino arifuza kuvugurura amategeko mu igura n’igurisha ry’Abakinnyi

Ifantino,kubera akayabo ka miliyoni zagendeyse kubakinnyi no kuba Agents babo mu mwaka wa 2017, arashaka ko hazabaho uburyo bushya mu igura n’igurisha ateganya ko mu mpera z’uyu mwaka wa 2018 zaba zaramaze gushyirwa ahagaragara kuko ibi bituma abakinnyi benshi Babura umwanya wogukinamo mu makipe yabo ataruko batari abahanga,ahubwo byose bisigaye biterwa na Management idahwitse y’amakipe.

Perezida wa FIFA yanongeyeho ko nta mpamvu y’uko amakipe agomba gusimbuza abakinnyi bavunitse abandi mu isoko ryo mu kwa mbere. Anashimangira kandi ko nta kipe izajya irenza umubare w’abakinnyi 25 kugira ngo bose bajye babona umwanya wo gukina.

KWIZERA Juvenal-Ibyamamare.com

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.